Nyuma y’uko ubushinwa buburiye igihugu cya leta zunze ubumwe za America , kuzirengera ingaruka zizabaho ubwo umukuru w’inteko nshingamategeko ya America Madam Nancy Pelosi azaba asuye ikirwa cya Taiwan , ibyo ubushinwa bwise ubushotoranyi bwa America.
Nyuma yo kugera muri Taiwan mu ruzinduko rwagizwe ibanga kuri uyu wa kabiri , kuri ubu hari ikikango cy’uko indi intambara yakaduka mu kindi gice cy’isi nyuma y’umuhuro ubushinwa bwatanze kuri uru ruzinduko rwa madam Nancy Pelosi muri Taiwan.
Ubushinwa bwamaganye uru ruzinduko rwa Madam Nancy Pelosi buvugako ari uruzinduko ruhabanye n’amasezerano leta zunze ubumwe za America zikurikiza kuva mu mwaka 1979 ya Politike y’ubushinwa bumwe aho America yemera Taiwan nk’intara y’ubushinwa.
Kuva mu myaka 25 ishize Madam Nancy Pelosi akaba ariwe muyobozi wa mbere wo kurwego rwo hejuru ukomeye muri leta zunze ubumwe za America usuye ikirwa cya Taiwan , ibintu ubushinwa bwamanganye ndetse buvugako buzihimura hakoreshejwe imbaraga za gisirikare.
Kuva mu mwaka 1979 , ikirwa cya Taiwan kikaba cyariyomoye ku bushinwa gusa mwikwiyomora kwacyo kigira ubwingenge bucagase ndetse ubushinwa buvugako buzongera bikisubiza iki kirwa cya Taiwan muri Politike yabwo y’ubushinwa bumwe , mu nzira y’amahoro.
muri iyi Politike y’ubushinwa bumwe , ubushinwa ntibuhwema kuvugako buzisubiza Taiwan mu nzira y’amahoro ikongera kuba intara yabwo gusa nubwo bimeze gutyo , ubushinwa buburirako ntibiba ngobwa hazakoreshwa n’ingufu za gisirikare mu kwisubiza Taiwan.
Uruzinduko rwa Nancy Pelosi muri Taiwan rukaba rwazambije umubano hagati y’ibihugu byombi America n’ubushinwa nubwo n’ubundi uy’umubano utari umeze neza ndetse uru ruzinduko rukaba rushobora guteza intambara kirimbuzi biturutse ku bushotoranyi America yashoje k’ubushinwa.
Madam Nancy Pelosi akaba yakoreye uru ruzinduko muri Taiwan nyuma y’uko inzego z’umutekano muri America ndetse n’abategetsi b’iki gihugu barimo na Perezida Joe Biden bamweretse ingaruka rushobora kumuteza zirimo no kubura ubuzima bwe bamubwirako amahitamo araye kuba yakorera uru uzinduko muri Taiwan.
