Abakoresha imbuga nkoranyambaga bacitse ururondogoro nyuma yuko umugabo wihinduje igitsina yegukanye igikombe cy’umugore w’umwaka gitangwa n’ikinyamakuru cyandikirwa mu bwongereza.
Umunyamerika witwa Dylan Mulvaney wamamaye ku mbuga nkoranyambaga zirimo TikTok aho agenda asangiza urugendo rwe rwo kuva mu bugabo ahinduka umukobwa yatunguye benshi ubwo yashyikirizwaga igikombe n’ikinyamakuru ‘Attitude Magazine’ nk’umugore w’umwaka.
Mu ijambo yagejeje abari aho, Dylan yihanije ibindi binyamakuru bimusebya bivuga ko atari “umugore bihagije”.
Ibi byarakaje abantu benshi bavuga ko imyaka myinshi ishyize, abagore bo hirya no hino ku isi batakaje ubuzima bwabo barwanira uburenganzira bwabo muri sosiyete, ibyo byari bitangiye kugerwaho ariko mu myaka mike ishize abagabo batangiye kwigira abagore ndetse biharira n’ibikorwa by’abagore.
Ibi bije mu gihe muri Leta z’unze ubumwe za Amerika hamwe na hamwe mubigo by’amashuri batangiye kujya bigisha abana bato ibijyanye no guhindura ibitsina, aho batoza aba bana bataramenya no gusoma ko umuntu ariwe wihitiramo igitsina (Gender). Ibi byose bigira ingaruka cyane cyane mu buringanire hagati y’abagabo n’abagore mu nzego zitandukanye harimo nka siporo n’imyidagaduro aho abagabo biyita abagore bajya mu mikino y’abagore babarusha imbaraga z’umubiri.
