Umugabo witwa Nicolas Gil Pereg ushinjwa kwica abo mu muryango we barimo nyirasenge n’umubyeyi we yasohowe mu rukiko mu mujyi wa Mendoza muri Argentina nyuma yo kwanga kumvira itegeko ry’umushinjacyaha ryo gutuza akareka kunyahuza nk’injangwe mu rubanza rwe.
Uyu mugabo, Nicolas Gil Pereg ukomoka muri Islael ashinjwa kuba yarishe abantu babiri barimo nyina na nyirasenge ubwo yari yaje kubasura aho muri Argentina avuye muri Islael mu 2019.
Ikinyamakuru Reuters kivuga ko uyu mugabo Nicolas wahimbwe n’itangazamakuru ‘Cat man’ yabanje gusaba ko yabana n’injangwe ye mu kigo gifasha abarwaye mu mutwe aho afungiye mu gihe aburanishwa. Mu mashisho yasohowe n’ubushinjacyaha agaragaza uyu mugabo abazwa ibibazo n’umushinjacyaha aho gusubiza agasakuza nk’injangwe.
Itangazamakuru ryo muri Argentina ryatangaje ko byitezwe ko abunganira Nicolas mu mategeko bazasaba ko urukiko rwamufata nk’umurwayi wo mu mutwe kugira ubutabera buboneke.