Urukiko muri leta zunze ubumwe za America , rwatejeje agaciro ikirego cyarezwemo ibigo binini mu by’ikoranabuhanga (technology) mu kugira uruhare mwikoreshwa ry’abana mu gucukura amabuye y’agaciro ya Cobalt muri Repabulika iharanira demokarasi ya Congo.
Ibigo nka Apple , Tesla , Microsoft , Dell Technology ndetse na Alphabet ifite Google , akaba aribyo bigo byarezwe muri uru rubanza bishinjwa kugira uruhare mwikoreshwa ry’abana mu gucukura amabuye y’agaciro ya Cobalt muri Repabulika iharanira demokarasi ya Congo.
International Right Advocate , iharanira uburenganzi bwa muntu , akaba ariyo yari yaratanze ikirego irega ibi bigo muri uru rukiko rwo muri America gusa iki kirego urukiko rukaba rwaragitejeje agaciro ruvugako kuba ibi bigo byaraguze amabuye y’agaciro ya Cobalt bidasobuyeko bifite uruhare mwikoreshwa ry’abana mu gucukura ay’amabuye y’agaciro.
Uwunganira , international Right Advocate muri uru rubanza akaba yaravuzeko batazigera bahagarara mu gusabako ibi bigo byabazwa uruhare rwabyo mu ikoreshwa ry’abana mu gucukura amabuye y’agaciro ya Cobalt muri Repabulika iharanira demokarasi ya Congo , yaguzwe n’ibi bigo.
Ndetse yemezako , international Right Advocate , igiye kujurira uyu mwanzuro w’uru rukiko kugirango hazaboneke ubutabera kuri aba bana ndetse n’imiryango y’ababuze ababo kubera ubu bucukuzi bw’amabuye y’agaciro , ni mugihe iki kirego kimaze imyaka itanu kiburanwa doreko cyatanzwe mu mwaka wa 2019.
