Umunyamakurukazi wo muri leta zunze ubumwe za America ukorera ikinyamakuru cya CNN yijujutiye ku kuba Perezida wa Iran , Ebrahim Raisi , ku munota wa nyuma yarahagaritse ikiganiro cye bari kugirana nyuma yo gusabwako agomba gukora icyo kiganiro yitandiye umwambaro wa kisiramu.
Umunyamakurukazi , Christiane Amanpour , yijujutiye umwanzuro wo ku munota wa nyuma wa Perezida wa Iran , Ebrahim Raisi , wo kwanga kugirana ikiganiro nawe atitandiye umwambaro wa kisiramukazi mugihe kandi batari mu gihugu kigendera kurayo mategeko.
Iki kiganiro Christiane Amanpour yari kugirana na Perezida Ebrahim Raisi kikaba cyari giteganyijwe tariki 21 Nzeri 2022 , mu mujyi wa New York muri leta zunze ubumwe za America aho Perezida Ebrahim Raisi yari yagiye agiye kwitabira inteko y’umuryango wa abibumbye ya 77.
Umunyamakurukazi Christiane Amanpour , akaba yari amaze igihe yitegura iki kiganiro ariko akaza gutungurwa nuko intumwa za Perezida wa Iran , Ebrahim Raisi , za mubwiyeko agomba gukora icyo kiganiro yitandiye umwambaro wa kisiramukazi nk’umusiramukazi.
Christiane Amanpour akaba yaranze ububusabe ndetse iki kiganiro kigahita kinahagarikwa , akaba ari ikiganiro cyari kigiye kuba mugihe mu gihugu cya Iran hakomeje imyigaragambyo y’abagore basaba uburenganzira bwabo burimo no kudategekwa kwambara umwambaro wo mu mutwe aho bagiye hose.
Amakuru , akaba avugako iy’imyigaragambyo imaze kungwamo aberenga 5 , Christiane Amanpour abinyujije ku rukutarwe rwa Twitter akaba yarijujutiye umwanzuro wa Perezida Ebrahim Raisi ndetse anavuga uko byagenze kugirango ikiganiro cye na Perezida Ebrahim Raisi gihagarare burundu.
Source : CNN news