Abantu 46 bikekwako ari abimukira baturutse mu gihugu cya Mexico basanzwe mw’ikamyo bapfuye , ikamyo yari iparitse ku muhanda wa San Antonio muri leta ya Texas mu gihugu cya leta zunze ubumwe za America , mugihe 16 basanzwe bagihumeka bayise bajyanwa ku bitaro.
Umwe mu bayobizi ba America wageze mbere kuri iy’ikamyo akaba yaravuzeko muri aba bantu basanzwe muri iy’ikamyo hasanzwemo abantu 16 barimo abana 4 bo bayise bajyanwa kwa muganga , ndetse aba barokotse bakaba barasanzwe bafite ubushyuhe bwinshi ndetse banarwaye indwara zitandukanye zishobora no gutuma babura ubuzima.
Iy’ikamyo yasanzwemo abagera kuri 46 bitabye Mana , ikaba yarasanzwe mu bilometero 250 uvuye ku mupaka w’igihugu cya Mexico na leta zunze ubumwe za America aho ubusanzwe Mexico ari igihugu gisangiye umupaka na America , umupaka ureshya na kilometero ibihumbi 3,145.
Ni mugihe ubusanzwe abakora ubucuruzi bw’abantu akenshi baba bakura mu gihugu cya Mexico ba bajyana muri leta zunze ubumwe za America bakoresha amakamyo mu kwinjiza abantu badafite ibyangombwa binjizwa mu gihugu cya leta zunze ubumwe za America.
Amakuru akaba avugako urupfu rw’abantu 46 rushobora kuba rwaratewe n’ubushyuye bwinshi bwabateye umwuma kubera kubura amazi yo kunywa , ibi bikaba atari ubwa mbere bibaye muri iki guhugi cya America kuko mu mwaka wa 2017 nabwo abimukira 10 basanzwe mw’ikamyo bapfuye.
Source : the guardian
