Umukuru w’igihugu , Perezida Paul Kagame , kuri iki cyumweru tariki 22 Ukwakira 2023 , muri Village Urugwiro yakiriye abahanzi batsindiye ibihembo mu birori bya Trace Music Awards & festival 2023 , byari bibereye hano mu Rwanda ku inshuro ya mbere.
Umukuru w’igihugu , Perezida Paul Kagame akaba yarahuye n’abahanzi banyuranye bahebwe muri ibi birori ndetse n’abahanzi b’abanyarwanda babyitabiriye ubundi abakirira mu biro bye Village Urugwiro abashimira uburyo bitwaye bakabasha kwegukana ibihembo bari bahataniye.
Mu ijambo , Perezida Paul Kagame yagejeje kuri aba bahanzi ubwo yabakiraga akaba yarabasabyeko bakumvako igihugu cy’u Rwanda bajemo ari nko murugo bakwiye kwiyumva nk’abari mu rugo , ati n’ibyizako umuntu agira aho yita murugo ariko aha muri naho ni murugo.
Abahanzi batandukanye kandi muri ibi birori byo kwakirwa n’umukuru w’igihugu , Perezida Kagame , aba bahanzi nabo bakaba barahahwe akanya ngo bavuge akari ku mutima wabo nyuma y’uko bakiriwe n’umukuru w’igihugu abashimira uburyo bitwaye muri Trace Music Awards & festival 2023.
Umuhanzi ugezweho muri iki gihe ukomoka mu gihugu cya Nigeria , Rema , ubwo yari ahahwe ijambo akaba yarabwiye Perezida Paul Kagame , ko ari ubwa mbere mu buzima bwe ahuye na Perezida w’igihugu ubundi amushira ku rukundo akunda urubyiruko n’imyidagaduro muri rusange.
Nyuma yo guhura n’umukuru w’igihugu , bamwe mu bahanzi bahuye nawe bifashije imbuga nkoranyambaga zabo by’umwihariko urubuga rwa X bakaba baragaragaje amarangamutima yabo nyuma y’uko bahuye n’umukuru w’igihugu , Perezida Paul Kagame.
Aba bahanzi bakaba barashimiye umukuru w’igihugu ndetse bamwe bakagaragazako inzozi zabo zabaye impamo nyuma yo guhura nawe ubundi bakamushimira urukundo akunda urubyiruko rw’aba urwo mu Rwanda no ku mugabane wa Africa muri rusange.