Ikipe ya Real Madrid , mu ijoro ryakeye yaraye itsinze inyagiye ibitego (4-1) ikipe ya FC Barcelona mu mukino wa El Classico iy’itwara igikombe cya Spanish Super Cup , igikombe kiruta ibindi bikombe muri shampiyona y’igihugu ya Esupanye.
Uyu mukino wa El Classico , akaba ari umukino wari wabereye mu gihugu cya Saudi Arabia aho n’imikino y’iki gikombe yose yabanje ariho yari yabereye , aho ikipe ya Real Madrid yari yabashije gutsinda ikipe ya Atletico Madrid ikagera ku mukino wa nyuma.
Muri uyu mukino , ikipe ya Real Madrid ikaba yaje kurusha ikipe ya FC Barcelona kuburyo bugaragara ndetse biza no kuyikundira ibona ibitego bigera kuri bine mugihe FC Barcelona yo itahiriwe n’umukino yaje kubonamo igitego kimwe cyatsinzwe na Robert Lowandowski.
Ibitego by’ikipe ya Real Madrid muri uyu mukino bikaba byaje gutsindwa n’umukinnyi Vinicius Junior nimero karindwi w’iki ya Real Madrid nyuma ya Cristiano Ronaldo wayambaye igihe kinini waje gutsindamo ibitego bitatu(hatrick) mugihe ikindi kimwe cyatsinzwe n’umukinnyi Rodrygo Goes.
Ikipe ya FC Barcelona ikaba yongeye gutsindwa n’ikipe ya Real Madrid , nyuma y’uko no mu mukino wa shampiyona ya La Liga Santander muri Esupanye , Real Madrid yari yatsinze iyi kipe ya FC Barcelona ibitego (2-1) byari byatsinzwe n’umukinnyi Jude Bellingham.
