Ikipe ya Rayon Sports yo mu kiciro cya mbere cya shampiyona y’u Rwanda , Nation Primus League , yatangajeko yatandukanye n’umukinnyi Heritier Nzinga Luvumbu ukomoka mu gihugu cya Congo ku bwumvikane bw’impande zombi , nyuma y’uko ishyirahamwe ry’umupira w’amaguru mu Rwanda, Ferwafa , rimuhagaritse amezi atandatu adakina umupira w’amaguru.
Ikipe ya Rayon Sports ikaba yatangajeko itandukanye n’uyu mukinnyi Heritier Nzinga Luvumbu , nyuma y’imyifato yagaragaje ku mukino wa shampiyona y’u Rwanda , ubwo ikipe ya Rayon Sports yatsinda ikipe ya Police FC ibitego (2-1) muri uyu mukino wa shampiyona ubundi uyu mukinnyi akaza gutsindamo igitego.
Ubwo ikipe ya Rayon Sports yahuraga n’ikipe ya Police FC mu mukino wa shampiyona ndetse Rayon Sports ikabasha kwitwara neza igatsinda umukino ku bitego (2-1) , nyuma y’uko uyu mukinnyi Heritier Nzinga Luvumbu atsinze igitego gifungura amazamu akaba yarishimiye iki gitego cye akora ikimenyetso cya politike.
Nyuma y’uko akoze ibi , abantu biganjemo n’abafana b’iyi kipe bakaba baramaganye iyi myitwarire yaragajwe n’uyu mukinnyi washatse kuvanga politike n’umupira w’amaguru , ibihabanye n’amategeko y’ishyirahamwe ry’umupira w’amaguru kw’isi , FIFA , ir’ishyirahamwe rikaba risabako ibibazo bya politike bitavangwa n’umupira w’amaguru.
Nyuma y’uko uyu Heritier Nzinga Luvumbu agaragaye akora ibi , ikipe ya Rayon Sports ikaba yarayise itangazako yitandukanyije n’imyitwarire yaragajwe n’uyu mukinnyi ndetse ishyirahamwe ry’umupira w’amaguru mu Rwanda Ferwafa rimuhagaritse amezi atandatu adakina umupira w’amaguru nyuma y’iyi myitwarire.
Ferwafa , ikaba yaratangajeko ibimenyetso bya politike bibusanya n’amategeko agenga ishyirahamwe ry’umupira w’amaguru rya Ferwafa , CAF ndetse na FIFA , nyuma y’ubu butumwa Ferwafa ikaba yaratangajeko yahagaritse uyu Heritier Nzinga Luvumbu igihe cya amezi atandatu adakina umupira w’amaguru kubera gukora ibimenyetso cya politike mu kibuga.
Nyuma y’uko ishyirahamwe ry’umupira w’amaguru mu Rwanda Ferwafa rimuhagaritse amezi atandatu adakina umupira w’amaguru , ikipe ya Rayon Sports n’ayo ikaba yaramenyesheje abakunzi bayo ko yatandukanye n’uyu mukinnyi Heritier Nzinga Luvumbu kubwumvikane bw’impande zombi , nyuma yo kugaragaza ibihabanye n’amategeko agenga umupira w’amaguru.