Umukinnyi Sebastien Haller yongeye kuba intwari y’igihugu cye cya Cote d’Ivoire, agihesha igikombe cya Africa (AFCON2023) nyuma y’uko yongeye gutsinda igitego cyo mu minota ya nyuma y’umukino kigatuma igihugu cya Cote d’Ivoire cyegukana iki gikombe cya Africa.
Nyuma y’urugendo rutoroshye ikipe y’igihugu cya Cote d’Ivoire yanyuzemo ikabasha kugera ku mukino wa nyuma w’iki gikombe cya Africa , Sebastien Haller akaba yayifashije kwegukana iki gikombe cya Africa , nyuma y’igitego cy’itsinzi yabonye ku munota wa 81′ w’umukino.
Ikipe ya Cote d’Ivoire yari yanakiriye iki gikombe cya Africa mw’itangira ry’iki gikombe akaba ari ikipe itari yari yabashije kwitwara neza mu gutangira aho yavuye mw’itsinda yari iherereyemo nk’ikipe yabashije gutsindwa neza ubundi izamuka ifite amanota atatu gusa.
Kuri uyu wa nyuma , ikipe ya Cote d’Ivoire n’ubundi ikaba itabashije gutangira neza uyu mukino kuko ikipe y’igihugu ya Nigeria ariyo yabashije gufungura amazamu ku munota wa 38′ w’umukino ku gitego cyatsinzwe n’umukinnyi William Troost-Ekonga.
Ikipe ya Cote d’Ivoire yari imbere y’abafana bayo ikaba itacitse inege ubundi ikabasha gukomeza gukina nyuma y’uko itsinzwe iki gitego ndetse ku munota wa 62′ w’umukino umukinnyi Frank Kessie abasha kubonera ikipe ya Cote d’Ivoire igitego cyo kwishyura.
Umukinnyi Sebastien Haller , akaba ariwe waje gushimangira itsinzi y’igihugu cye cya Cote d’Ivoire nyuma y’uko ku munota wa 81′ w’umukino yaje kubona igitego cy’itsinzi cyafashije Cote d’Ivoire gutsinda uyu mukino iturutse inyuma , igatsinda ibitego (2-1).
Cote d’Ivoire ikaba yegukanye igikombe cya Africa (AFCON2023) imbere y’igihugu cya Nigeria cyanahabwaga amahirwe yo kwegukana iki gikombe bitewe n’uburyo iy’ikipe ya Nigeria yari yitwaye mu mikino ibanza doreko yari yazamutse mw’itsinda yari iherereyemo ariyo iyoboye iryo tsinda.
