Lionel Messi, umwe mu bakinnyi b’ibihe byose muri ruhago, usanzwe ukinira FC Barcelona yo muri Spain, amasezerano yari afititanye n’iyi kipe yo kuyikinira yageze ku musozo.
Amakipe atandukanye yo ku mugabane w’i Burayi yahise atangira kwerekana ko amushaka cyane cyane Paris Saint Jermain na Manchester City.
Perezida wa FC Barcelona, Joan Laporta yemeza ko ibiganiro bijyanye no gusinya andi masezerano bigikomeje.
Ese Messi we yifuza kuguma muri FC Barcelona?
Ikinyamakuru Goal cyemeza ko Lionel Messi yifuza kuguma muri iyi kipe amazemo imyaka igera kuri 21, ndetse niyi kipe irifuza kugumana Lionel Messi usanzwe ari na kapiteni wayo.
Abayobozi bakuru muri FC Barcelona biravugwa ko bari gushaka uburyo Messi yakongeza amasezerano ye kugera ku myaka ibiri. gusa hari imbogamizi ziri gutinza aya mesezerano kuba yashyirwaho umukono zijyanye n’amafaranga.
Imbogamizi ziri gutinza aya masezerano
Mu kwezi kwa mbere uyu mwaka, muri raporo ijyanye n’imikoreshereze y’amafaranga muri FC Barcelona, byagaragaye ko iyi kipe ifite imyenda ingana na miliyari $1.5 (arenga 1,500,000,000 Rfw) aturutse ku bakinnyi yagiye igura ndetse n’ingaruka z’icyorezo cya Covid-19, ibi bituma bigorana mu gusinyisha abandi bakinnyi. Gusa iyo ntago ariyo mbogamizi ihari cyane.
Kugera ubu, Lionel Messi w’imyaka 34 y’amavuko, niwe ufite agahigo k’umukinnyi uhembwa agatubutse cyane kw’Isi. Mugihe asubiye muri FC Barcelona, bizaba ngombwa ko amafaranga yahembwaga agabanywa kugira hubahirizwe itegeko ryashyizweho na La Liga rya Financial Fair Play rigena ingano ntarengwa y’umushyahara w’umukinnyi. Ibi bishobora kudahuza n’amafaranga Messi yifuza.
Kugera ubu ikipe Paris Saint Jermain yo muri France na Manchester City yo muri England biryamiye amajanja. Abafana ba Messi ndetse na ruhago muri rusange bategereje kureba ibizava mu biganiro.
