Ibirori ngarukamwaka bitangirwamo ibihembo bya BET awards byabaye kuri iki cyumweru, 27/06/2021, bikaba byitabiriwe n’ibihangage muri muzika, sinema n’imyidagaduro muri rusange harimo nka Diamond Platnumz wo muri Tanzania, Cardi-B, Migos, Lil-Nas n’abandi..
Ibyamamare byitabiriye harimo nka Lil-Nas bagaragaye ku itapi itukura (red carpet) bambaye imyambaro itangaje yabaye intero ku mbuga nkoranyambaga hirya no hino. Hano twakusanyije amafoto agaragaza imwe mu mwambarire yatangaje benshi bakurikiye BET awards 2021
8. Lil Uzi
7. DJ Khaled na Fat Joe
6. Diamond Platnumz
Diamond Platnumz yagaragaye yambaye imyambaro ya kinyafurika ikunze kwitwa iy’abamasayi. Diamond nta gihembo yatsindiye, ibi bibaye ku nshuro ya gatatu abura igihembo cya BET award nyamara yahabwaga amahirwe yo kwegukana ikiciro cy’umuhanzi mpuzamahanga.
5. Lil Nas
Umuraperi w’umunyamerika Lil Nas, wamenyekanye cyane ku ndirimbo Old Town Road yatangaje benshi dore ko yaje yambaye umwambaro uteye nk’ ikanzu.
4. Meghan Thee Stallion
Meghan Theee Stallion ni umuraperikazi ukomoka muri USA, yagaragaye yambaye umwambaro ukurura abagabo cyane dore ko uhishe imbere gusa! Mu gihe cyashize yakunze kwibasirwa cyane kubw’imyambarire ye. Ijoro ryashize uyu mukobwa yegukanye ibikombe 7 harimo icy’umuraperi w’umukobwa w’umwaka.
3. Saweetie
Saweetie ni umuraperikazi wo muri USA, akaba yaramenyekaye mu ndirimbo harimo nka “Icy girl” n’izindi..
2. Zendaya
Zendaya Maree Stoermer Coleman ni umukinnyi wa filme akaba azwi nka Zendaya. Yamenyekanye cyane muri filme za Spiderman n’izindi, uretse kuba akina filme, yanateye imbere cyane mu mwuga wo kuririmba.
1. Cardi B
Cardi B ni umuraperikazi w’umunyamerika, akaba umubyeyi w’umwana umwe yabyaranye n’umugabo we Offset ubarizwa mu itsinda Migos. Cardi-B yatangaje abantu cyane kubw’ imyambarire ye dore ko muri ibi birori yatangarijemo ko atwite inda y’umwana we wa kabiri.