Nyuma y’imikino y’igikombe cy’isi cya Qatar world Cup 2022 , amakuru atandukanye y’ibisigisigi by’ik’igikombe cy’isi akomeje kugenda yisukiranya mu buryo bugiye butandukanye by’umwihariko ku bakinnyi bakina ku mugabane.
Umukinnyi Karim Benzema rutayizamu wa Real Madrid ndetse n’igihugu cy’ubufaransa , kuri ubu ku myaka 35 yamaze gutangazako yasezeye mw’ikipe y’igihugu cy’ubufaransa burundu nyuma y’uko bitangajweko uy’umukinnyi atigeze na gato agirana umubano mwiza n’umutoza w’ik’igihugu cy’ubufaransa Didier Deschamps.
Ndetse bitewe n’umubano mubi uri hagati yaba bombi , bikaba byaratumye uy’umukinnyi Karim Benzema atitabira imikino y’igikombe cy’isi igihugu cye cy’ubufaransa cyari gisigaje gukina nyuma yo gukira imvune yari yagize mbere gato y’uko imikino y’igikombe cy’isi itangira.
Kylian Mbappe , umukinnyi w’imyaka 24 wongeye kwerekana urwego ruri hejuru mu mikino y’igikombe cy’isi atsinda ibitego 8 ndetse akanaba umukinnyi watsinze ibitego byinshi muri ik’igikombe cy’isi , hakomeje kwibazwa ku kazoza kuy’umukinnyi nyuma y’uko ari umukinnyi utishimiye ibihe arimo mw’ikipe ya PSG.
PSG , ikaba ikomeje kurwana urugamba rwo gukomeza kugira abakinnyi bayo beza batatu barimo nuyu Kylian Mbappe , ibintu bikomeje kuyibana imbogamizi zikomeye aho binayikomereye kurushaho gukomeza kubika uy’umukinnyi Kylian Mbappe bivugwako atishimye nyuma y’uko aherutse no gusinya amasezerano amugira umukinnyi wa mbere kw’isi uhebwa amafaranga menshi.
Cristiano Ronaldo , nyuma y’imikino y’igikombe cy’isi cya Qatar world Cup 2022 , uy’umukinnyi yongeye kugaragara mu mujyi wa Madrid ari kwitoreza ku kibuga cy’ikipe ya Real Madrid kizwi nka Valdebabes Real Madrid Training Grounds aho bivugwako Cristiano yasabye uruhushya ubuyobozi bwa Real Madrid kuhitoreza mu rwego rwo gukomeza urwego rwe rwa physical.
Ni mugihe bikomeje kuvugwako Cristiano ashobora gusinyira iy’ikipe ya Real Madrid mugihe kingana n’amezi atandatu nyuma yo gutandukana n’ikipe ye ya Manchester United ndetse kuri ubu akaba ari umukinnyi udafite ikipe gusa Ronaldo akaba ari umukinnyi ukomeje kwifuzwa n’amakipe menshi atandukanye harimo n’ikipe ya Chelsea yo mu bwongereza.