Ikipe ya West Ham United , iy’ikipe yo mu mujyi wa London yamaze kumvikana n’ikipe ya Manchester United ku kuba iy’ikipe ya West Ham yagura umukinnyi w’iyi kipe ya Manchester United , Harry Maguire , imutanzeho miliyoni 30 z’amapawu.
Ikipe ya West Ham nyuma yo kugura abakinnyi barimo Edson Alvarez imukuye mw’ikipe ya Ajax Amsterdam , James Ward-Prowse ikaba inakomeje ibiganiro n’ikipe ya Manchester United kugirango irebeko yakegukana abakinnyi bayo babiri aribo umukinnyi Harry Maguire ndetse n’umukinnyi Scott McTominay.
Ikipe ya West Ham kandi ikaba iri mu biganiro n’ikipe ya Manchester City ishaka umukinnyi w’iyi kipe ya West Ham , Lucas Paqueta , Manchester City yatanzeho miliyoni 70 z’amapawu zikangwa n’ikipe ya West Ham yifuza kugumana uy’umunya-Brazil , ukina hagati mu kibuga.
Ikipe ya Arsenal n’ikipe ya Brentford , amakipe yombi akaba yamaze kumvikana ku kugura umunyezamu w’iyi kipe ya Brentford , David Raya , aho ari umukinnyi ikipe ya Arsenal yatanzeho miliyoni 30 z’amapawu akaza muri Arsenal mu buryo bwinizanyo ariko harimo itegeko ryo kumugura.
Ikipe ya Manchester United bikaba bivugwako mugihe yaba igurishije myugariro wayo , Harry Maguire , ishobora guhita isubira kw’isoko ry’igura n’igurisha ry’abakinnyi aho hari abakinnyi batatu bivugwako yakuramo umwe yasimbuza Harry Maguire yaba yagurishije aba bakinnyi bakaba barimo Benjamin Pavard , Edmond Tapsoba na Jean Clair Tadibo.
Ikipe ya Manchester United kandi bikaba bivugwako iy’ikipe ikiri kw’isoko ry’igura n’igurisha ry’abakinnyi ishaka umukinnyi ukinamo hagati mu kibuga ariko bikaba byaba mugihe iy’ikipe ya Manchester United yagurishije abakinnyi bayo barimo umukinnyi Fred ndetse n’umukinnyi Donny Van De Beek ukomeje kwifuzwa n’ikipe ya Real Sociedad.
Ikipe ya Chelsea , iy’ikipe ikaba yohereje miliyoni 48 z’amapawu mw’ikipe ya Southampton kugirango irebeko ya kwegukana umukinnyi wayo Romeo Lavia wakomeje kwifuzwa n’amakipe akomeye mu bwongereza arimo ikipe ya Arsenal , Manchester United , Liverpool ariko yose akananirwa kwishyura miliyoni 50 z’amapawu ikipe ya Southampton ishaka kuri uy’umukinnyi.
Ikipe ya Juventus kandi Ikaba ikomeje ibiganiro n’ikipe ya Chelsea ku kuba ay’amakipe yombi yagurishanya abakinnyi mu buryo bwo kugurana (swap deal) aho ikipe ya Chelsea ishobora gutanga umukinnyi Lukaku muri Juventus , Juventus nayo igatanga umukinnyi Vlahovic mw’ikipe ya Chelsea.