Umunya-Brazil rurangiranwa mu mupira w’amaguru Edison Arantes do Nascimento wamenyekanye nka Pele , waraye yitabye Imana kuri uyu wa kane tariki 29 Ukoboza ku myaka 82 , ni umugabo wapfuye asize amateka atazibagira mu mupira w’amaguru kw’isi , ibihe 10 byaranze ubuzima bw’uy’umunyabingwi Pele.
Ibintu 10 byaranze ibihe bya Pele mu mupira w’amaguru kw’isi ubwo yatangiraga kuhukina afite imyaka 17 y’amavuko.
Pele , akaba ariwe mukinnyi umwe rukumbi kw’isi wabashije kwegukana igikombe cy’isi inshuro 3 aho yatwaye igikombe cy’isi cya mbere afite imyaka 17 y’amavuko gusa , Pele akaba yaratwaranye na Brazil ibikombe by’isi bitatu mu mwaka (1958 , 1962 , 1970).
Pele , akaba ariwe mukinnyi ufite agahigo mu mupira w’amaguru kw’isi ko gutsinda igitego mu mikino y’igikombe cy’isi ari muto aho yagitsinze afite imyaka 17 y’amavuko ku nshuro ye ya mbere yitabiriye igikombe cy’isi ndetse igitego cye kikaba cyaraheshe itsinzi igihugu cye cya Brazil.
Pele , akaba ariwe mukinnyi kw’isi ufite agahigo ko kuba yaratsinze ibitego bitatu (hattrick) mu gikombe cy’isi akiri muto aho nabwo ib’ibitego yabitsinze ku myaka 17 y’amavuko gusa mu gikombe cy’isi cye cya mbere yari yitabiriye ari kumwe n’igihugu cye cya Brazil.
Pele , amateka agaragazako ariwe mukinnyi wa mbere kw’isi watsinze ibitego byinshi aho bivugwako yatsinze ibitego 1,287 mu mukino irenga igihumbi yakinnye nk’umukinnyi wabize umwuga (professional) , mugihe FIFA yo yemejeko Pele yatsinze ibitego 800 gusa.
Igihugu cye cya Brazil , kikaba cyaravuzeko kitemeranya na FIFA ku bitego uy’ururangiranwa mu mupira w’amaguru kw’isi yatsinze ahubwo Brazil ikemezako yatsinze ibitego 1,287 kuva yatangira gukina umupira w’amaguru nk’uwabigize umwuga.
Ubwo Pele yakiniraga ikipe ya Santos yo muri Brazil , mu gihugu cya Nigeria hari intambara Pele akaba yaragize uruhare mwihagarikwa ryiy’intambara , ubwo ikipe ya Santos yanjya gukina n’igihugu cya Nigeria abarwanaga bose bakiyemeza guhagarika intambara kugirango Pele abashe gukina n’igihugu cyabo cya Nigeria.
Pele , akaba afite agahigo ko kuba ariwe mukinnyi wa mbere kw’isi ufatwa nk’umukinnyi w’ibihe byose mu mupira w’amaguru kuva watangira gukinwa aho yakoreyemo uduhigo ndetse akanandikamo amateka kugeza ubu akaba n’amateka anigishwa mu mashuri y’umupira w’amaguru kw’isi.
Pele , nyuma yo kurangiza gukina umupira w’amaguru akaba ari umwe mu bakinnyi bake kw’isi babashije guhabwa ishingano n’igihugu cyabo mu myanya ya Politike aho Pele yaginzwe Minisitiri ushinzwe siporo mu gihugu cye cya Brazil.
Pele , akaba ari umukinnyi wabayeho wabashije kugirana umubano n’abakinnyi batandukanye biganjemo abagikina umupira w’amaguru barimo Cristiano Ronaldo , Kylian Mbappe , Neymar Jr , Lionel Messi n’abandi batandukanye bagiconga ruhago.
amwe mu mafoto yaranze Pele ari kumwe n’abamwe mu bakinnyi bitwako bayoboye umupira w’amaguru muri ik’igihe.
