Umukinnyi Cristiano Ronaldo yongeye kugaragara mu kibuga mu mukino we wa mbere kuva yasinyira amasezerano y’imyaka ibiri n’igice ikipe ya Al-Nassr yo mu gihugu cya Saudi Arabia , ukaba wari umukino wa ginshuti bahuragamo n’ikipe ya Paris Saint-Germain.
Uy’umukino wahugaza cumi n’umwe beza bo mu gihugu cya Saudi Arabia ndetse n’ikipe ya Paris Saint-Germain , akaba ari umukino waje kurangira ikipe ya Paris Saint-Germain itsinze ibitego (5-4) ndetse Cristiano Ronaldo we akaba yaje gutsindamo ibitego bibiri wenyine.
Cristiano Ronaldo , kuva yasinyira ikipe ya Al-Nassr akaba ariwo mukino we wa mbere yaragarayemo yambaye ijezi ryo muri shampiyona ya Saudi Arabia , aho amakipe ahora ahanganye muri ik’igihugu cya Saudi Arabia , Al-Nassr na Al Hilal yahurijwe hamwe agakora ikipe imwe izahura na PSG.
Muri uy’umukino kandi Cristiano Ronaldo kumyaka 37 y’amavuko afite , akaba yongeye gutungura abakunzi b’umupira wa maguru bibwiragako yashaje aho yatsinze ibitego bibiri muri uy’umukino ndetse akaza no kuba umukinnyi w’irushanwa (Player of the match).
Cristiano Ronaldo kuva yasinyira ikipe ya Al-Nassr , akaba atari yayikinira n’umukino ntumwe bitewe nuko uy’umukinnyi yasabiwe ibihano n’ishyirahamwe ry’umupira w’amaguru mu bwongereza FA bitewe na telephone y’umufana w’ikipe ya Everton uy’umukinnyi yamennye.
Gusa kuri ubu ikipe ya Al-Nassr ikaba yiteguye kwakira rurangiranwa mu mupira w’amaguru Ronaldo , nyuma y’uko ibihano bye byo guhagarikwa imikino 2 byarangiye ubu akaba ari umukinnyi witeguye kugaruka mu kibuga , nyuma yo kwitwara neza mu mukino wabahuzaga n’ikipe ya Paris Saint-Germain.
