Ikipe ya Chelsea yo mu gihugu cy’ubwongereza , nyuma y’imyaka 2 itozwa n’umutoza Thomas Tuchel akayihesha ibikombe binjyera kuri bitatu , ikipe ya Chelsea iyisemo kumwirukana nyuma y’uko iy’ikipe ikomeje kwitwara nabi mu mikino ya Primier League ndetse na Champions League.
Ikipe ya Chelsea akaba ari ikipe yatangiye imikino ya shampiyona ya Primier League 2022/23 yitwara nabi kandi ari ikipe yashoye amafaranga menshi igurira abakinnyi umutoza Thomas Tuchel , kuri uyu wa gatatu rero iy’ikipe ya Chelsea ikaba yirukanye Tuchel nyuma y’uko umusaruro ukomeje kubura.
Iki cyemezo ubuyobozi bwa Chelsea bukaba bugifashe nyuma y’uko iy’ikipe itsinzwe mu mukino wa mbere mu matsinda ya champions league n’ikipe ya Dinamo Zagrabe igitego (1-0) ndetse iy’ikipe no muri shampiyona ya Primier League ikaba itarihagaze neza.
Tuchel , akaba yirukanywe nyuma y’uko yari yasabye abakinnyi benshi by’umwihariko abakinnyi bakina muri defanse yiy’ikipe aho yashoye amafaranga arenga miliyoni 200 z’amapawundi mu kugura abakinnyi bakina muri defanse bonyine.
Tuchel akaba yirukanywe nyuma y’imyaka 2 atoza iy’ikipe ya Chelsea aho yayihesheje igikombe cya Champions League , igikombe cya EUFA Super Cup ndetse n’igikombe cy’isi cy’amakarabu , Tuchel akaba yarafashe ikipe ya Chelsea asimbuye umutoza Frank Lampard nawe wirukanywe azira umusaruro mubi.
Chelsea , akaba ari ikipe imenyereweho kwirukana abatoza ikazana abandi ndetse akaba ari ibintu yamaze kumenyereza n’abafana bayo , kuburyo umutoza ugaragaje umusaruro mubi ntamahirwe abafite y’uko yahabwa kugirango akosore ibitarimo kugenda neza muri icyo gihe.