Ikipe ya Manchester United yo mu gihugu cy’ubwongereza yamaze kugura umwataka w’ikipe ya Atalanta ukomoka mu gihugu cya Denmark , imuguze amafaranga angana na miliyoni 85 z’amayero nyuma y’ibiganiro byo kumugura yagiranaga n’ikipe ya Atalanta.
Ikipe ya Manchester United ikaba yari imaze igihe ishakisha uyu rutayizamu w’ikipe ya Atalanta aho amakipe yombi yaramaze igihe aganira kuburyo uy’umukinnyi yakwerekeza mw’ikipe ya Manchester United , umukinnyi we wari waramaze gutakazako ashaka Manchester United.
Rasmus Højlund , akaba ari umukinnyi wifuzwaga n’andi makipe atandukanye y’iburayi arimo n’ikipe ya Paris Saint-Germain ariko uy’umukinnyi akaba yarayihakaniye ahubwo ayibwirako we ashaka kwerekeza mw’ikipe ya Manchester United gusa.
Rasmus Højlund akaba yerekeje mw’ikipe ya Manchester United asangamo abakinnyi barimo Mason Mount , Andre Onana bose bamaze kugurwa n’iyi kipe ya Manchester United aho bakomeje gufatanya n’abandi bakinnyi basanze muri iy’ikipe ya Manchester United , mu mikino ya ginshuti (pre-season).
Nyuma yo kugura uyu rutayizamu w’ikipe ya Atalanta , Manchester United bikaba bikomeje kuvugwako isigaje kugura umukinnyi umwe gusa wo mu kibuga hagati aho bikomeje kuvugwako ishobora kwibikaho umukinnyi w’ikipe ya Fiorentina , Sofyan Amrabat ndetse n’umunyezamu iy’ikipe ya Manchester United ishobora kwinjizamo.
Ni mugihe amakuru akomeje kuvugwako iy’ikipe ya Manchester United ishobora kugurisha abakinnyi bayo barimo umukinnyi Fred , Scott McTominay , Harry Maguire , Don Van De Beek , Dean Henderson ndetse n’abandi bashobora gusohoka muri iy’ikipe nyuma ya Cristiano Ronaldo ndetse na David De Gea.