Umukuru w’igihugu nyakubahwa Perezida Paul Kagame , yongeye kugaruka kubibazo by’umutekano muke biri mu burasirazuba bwa Congo ubundi ahumuriza abanyarwanda avugako ingabo z’igihugu cy’u Rwanda (RDF) zamaze kwitegura kera intambara , mugihe Congo yaba itangije intambara ku Rwanda.
Umukuru w’igihugu , ibi akaba yarabigarutseho kuri uyu wa gatatu mu kiganiro n’itangazamakuru ubwo yasubizaga ikibazo cy’umunyamakuru akaba na nyiri kinyamakuru cya televisiyo na radio(Radio&Tv1 ) , KNC , ubwo yaramubajije niba koko igihugu cya Congo kitazatera u Rwanda nkuko bikunzwe kuvugwa n’abategetsi b’ik’igihugu cya Congo.
Perezida Paul Kagame , mu gusubiza uy’umunyamakuru akaba yaravuzeko icya mbere ari uguhumuriza abanyarwanda ubundi avugako bakwiye kuryama bakongera bakaryama nta mpamvu ihari yo gutuma barara bikanga ko Repabulika iharanira demokarasi ya Congo igihe gutangiza intambara ku Rwanda.
Umukuru w’igihugu , akaba yarakomeje avugako iby’uko Congo igihe gutangiza intambara ku Rwanda ntaho abona bishingiye ndetse ko ntanaho abona ko bishoboka ubundi umukuru w’igihugu avugako uhuvugira muri Congo ko azatera u Rwanda ari uburenganzira bwe ubundi yongeraho ko ibivugwa byose ataba ariko biba ari ukuri.
Perezida Paul Kagame , akaba yarakomeje avugako iyo umuntu adashaka intambara ayitegura kandi ko iyo umuntu ashaka amahoro yitegura intambara ndetse yemezako u Rwanda rwo rushaka amahoro bisobanuyeko u Rwanda rwo rwamaze kwitegura intambara kera , igihugu cya Congo cyaroshozaho.
Ku ngabo za SADEC bivugwako Congo irimo gusaba ubufasha mu gutera u Rwanda , Perezida Paul Kagame akaba yaravuzeko nubwo abantu benshi binjira mu bibazo bya Congo kugirango bayifashe kubikemura ariko bakabikemura nabi bitagera ku rwego rwo kugirira nabi u Rwanda ngo barafasha Congo gutera u Rwanda.
Umukuru w’igihugu kandi akaba yaranagarutse ku magambo ya Perezida wa Repabulika iharanira demokarasi ya Congo bwana Felix Tshisekedi wigeze kuvugako azakuraho ubuyobozi bw’u Rwanda ubundi avugako ubwo Perezida Felix Tshisekedi yavugaga ayo magambo ashobora kuba yarikiniraga.