Umukinnyi Sadio Mane , umwataka w’ikipe ya Bayern Munich n’igihugu cya Senegal , yongeye kuva ku magambo yaganiriye n’umukinnyi Cristiano Ronaldo ubwo yaramaze gusinyira ikipe ya FC Bayern Munich avuye mw’ikipe ya Liverpool.
Sadio Mane ubwo yaganiraga n’umunyamakuru w’ikinyamakuru cya sports Bild cyo mu budage , yavuzeko nyuma y’uko yaramaze gusinyira ikipe ya Bayern nyuma yahuye na Cristiano bakaganira ubundi akamubwira ko yateye intabwe nziza muri kariyeri ye , ku kuba yasinyiye ikipe nziza nka Bayern Munich.
Umukinnyi Sadio Mane ibi akaba yarabivuze ubwo uy’umunyamakuru yamubazaga kuri Cristiano Ronaldo , umukinnyi byavuzweko ikipe ya FC Bayern Munich yaba yarifuje ko yayikinira nyuma y’uko umubano we n’ikipe ya Manchester United utari wifashe neza.
Sadio Mane mu magambo ye ati ” nahuye na Cristiano Ronaldo muri Mallorca mbere muri uy’umwaka w’imikino nyuma y’uko transfer yanjye ibaye mw’ikipe ya FC Bayern Munich. Yaranshimiye ubundi aribwira ngo ” ikipe nziza , iyi n’intabwe nziza uteye , kuri wowe “.
Ay’amagambo ya Sadio Mane akaba yarongeye kwerekana urukundo umukinnyi Cristiano Ronaldo agirira bagenzi be nkuko inshuro nyinshi yagiye abyerekana yaba yanze y’ikibuga cyangwa mu kibuga aho kuri ubu uy’umukinnyi yatangiye ubuzima bushya mw’ikipe ya Al-Nassr yo muri Saudi Arabia.
Muri ik’igihano n’umunyamakuru kandi Sadio Mane akaba yaragarutse no kubindi bibazo bitandukanye byinshi yabajijwe n’umunyamakuru aho yongeye no kugaruka kw’ikipe ya Liverpool yahozemo mbere y’uko asinyira ikipe ya FC Bayern Munich.
Ubwo yabazwaga kw’ikipe ya Paris Saint-Germain bitegura gukina umukino wo kwishyira muri Champions League aho umukino wa mbere warangiye Bayern itsinze igitego (1-0) , Sadio Mane akaba yaravuzeko ikipe ya Bayern ifite ubushobozi bwo gukina n’ikipe yose kandi ikayitsinda.
Sadio Mane , akaba yari amaze igihe kingana n’amezi atatu yaravunitse aho atabashije no gukina imikino y’igikombe cy’isi cya 2022 , gusa kuri ubu akaba yaragarutse avuye mumvune ndetse akaba ayerutse no gukina umukino Bayern yatsinzemo ikipe ya Union Berni ibitego (3-0) , bakaba bakomeje kwitegura ikipe ya PSG , bitegura gukina umukino wo kwishyura.
