Perezida Paul Kagame , ku gicamutsi cyo kuri iki cyumweru tariki 7 Mutarama 2024 , nibwo yakiriye umwami Abdullah ll Ibn Al-Hussein w’igihugu cya Yorudaniya watangiye uruzinduko rwe rw’iminsi itatu mu Rwanda , mu rwego rwo gishimangira umubano w’ibihugu byombi.
Umwami Abdullah ll Ibn Al-Hussein , akaba yaraye ageze mu Rwanda ku gicamutsi cyo kuri iki cyumweru ubundi yakirwa na Perezida Paul Kagame ku kibuga cy’indege mpuzamahanga cya Kigali , ajya kumwakirira mu biro bye Village Urugwiro.
Abategetsi b’ibihugu byombi bakaba baje kugirana ibiganiro byabereye mu biro by’umukuru w’igihugu Village Urugwiro , akaba ari ibiganiro by’ibanga ku ingingo zitandukanye zirimo gukomeza gushimangira umubano w’ibihugu byombi , Yorudaniya n’u Rwanda.
Aba bayobozi kandi bakaba bahagarariye amasezerano yasinywe hagati y’ibihugu byombi agamije imikiranire hagati y’ibihugu byombi Yorudaniya n’u Rwanda aho ari amasezerano yasinyweho n’abaminisitiri b’ibihugu byombi bashinzwe ubucuruzi n’inganda.
Umwami wa Yorudaniya , Abdullah ll Ibn Al-Hussein akaba aje mu Rwanda mu ruzinduko rwe rw’iminsi itatu rugamije gushimangira umubano w’ibihugu byombi , nyuma y’uko umukuru w’igihugu Perezida Paul Kagame nawe mu mwaka wa 2022 yari yagiriye uruzinduko muri iki gihugu cya Yorudaniya.