Umukuru w’igihugu , Perezida Paul Kagame , yafashe mu mugongo imiryango y’ababuze ababo bitewe n’imvura yaguye mu Rwanda igatera imyuzure ndetse n’inkangu byahitanye abantu bagera 129 aho bashobora no kwiyongera mugihe ibikorwa byo gushakisha abandi bigikomeje.
Mw’ijoro ryo kuwa kabiri rishyira kuwa gatatu , akaba aribwo mu Rwanda haguye imvura nyinshi by’umwihariko ikagwa mu ntara y’iburengerazuba n’amajyaruguru ndetse n’intara y’amajyepfo aho kuri ubu hamaze kumenyekana abantu 129 bamaze guhitanwa n’iyi mvura yaguye.
Umukuru w’igihugu , kuwa gatatu tariki 3 Gicurasi 2023 , akaba aribwo yatanze ubutumwa bwo kwihanganisha imiryango y’ababuze ababo bitewe n’ibiza by’imvura ndetse n’imiryango yasizwe iheruheru n’ibiza by’imvura byibasiye by’umwihariko intara y’iburengerazuba.
Umukuru w’igihugu , Perezida Paul Kagame , akaba yaravuzeko igihugu cyababajwe n’ibyabaye ndetse ko banihanganishije imiryango y’ababuze ababo bitewe n’akaga kibasiye igihugu ubundi avugako igihugu gikora ibishoboka byose kigafasha imiryango yagizweho ingaruka n’ibi bize ndetse avugako nawe ubwe ari bubyikurikiranire.
Nyuma y’ibi biza byibasiye u Rwanda bigahitana abagera ku 129 , ibihugu bitandukanye ndetse n’imiryango mpuzamahnga bakaba barohereje u Rwanda ubutumwa bwo ku rwihanganisha ku bw’ibyago rwagize biturutse ku biza byatewe n’imvura yaguye mu gihugu igahitana abagera 129.