Ubutegetsi bwa Moscow , bwashinje igihugu cya Ukraine gukora igitero cy’iterabwoba cyari cyigamije guhitana Perezida w’igihugu cy’uburusiya , Vladimir Putin , hakoreshejwe indege zitagira abapilote zizwi nka “Drones ” gusa icyo gitero kikaza kuburizwamo.
Kuwa kane tariki 4 Gicurasi 2023 , akaba aribwo ubutegetsi bwa Kremlin bwatangajeko ingabo z’igisirikare cy’uburusiya zishinzwe umutekano wo munyengero za Kremlin , ahazwi nk’ibiro bya Perezida Vladimir Putin , zahanuye drones ebyiri bivugwako zari iz’igihugu cya Ukraine zoherejwe kugirango zigabe igitero cyari cyigamije guhitana Perezida Vladimir Putin.
Ubutegetsi bwa Kremlin bukaba bwaravuzeko icyo gitero cyaburijwemo ndetse ko na Perezida Vladimir Putin yakomeje imirimo ye y’akazi nkuko bisanzwe ntakibazo byamuteje ubundi buvugako ibyakozwe ari igikorwa cy’iterabwoba cyakozwe n’ubutegetsi bw’igihugu cya Ukraine bugamije kwica Perezida Vladimir Putin w’uburusiya.
Kremlin , ikaba yaravuzeko ibyakozwe n’igihugu cya Ukraine ari igikorwa cy’iterabwoba kandi ko igihugu cy’uburusiya kitazabirebera gutyo ndetse yemezako uburusiya bufite uburenganzira bwo kwihimura kuri icyo gitero cya Ukraine aho ariho hose ndetse n’igihe icyo aricyo cyose , ku bw’impamvu z’igikorwa cy’iterabwoba cya Ukraine cyo gushaka guhita Perezida Vladimir Putin.
Ubutegetsi bwa Ukraine ndetse n’ibihugu byo mu burengerazuba bw’isi biyobowe na America bakaba barahakanye iby’iki gitero uburusiya bwise igikorwa cy’iterabwoba cyari cyigambiriye Perezida Vladimir Putin , ubundi bavugako ngo ari amaheri y’uburusiya agamije kugirango habeho impamvu ituma bugaba ibitero biremereye muri Ukraine.
Uburusiya na Ukraine ishyigikiwe n’uburengerazuba bw’isi , bakaba bamaze umwaka urenga bahanganiye mu ntambara ya Ukraine , kuva mu mwaka wa 2022 kugeza na n’ubu aho nta cyizere cy’uko iy’intambara yashyirwaho akadomo mugihe nta ruhande na rumwe ruri muri iy’intambara rugaragaza ubushacye bwo kujya mu biganiro by’amahoro bigamije guhagarika burundu iy’intambara.