Rachel Nyiramandwa umukecuru w’imyaka 110 , umukuru w’igihugu Perezida Paul Kagame yasuye mu karere ka Nyamagabe , Nyiramandwa akaba ari umukecuru usigaye witwa umukecuru wa Perezida Paul Kagame , bitewe n’ibihe binyuranye yagiye amusura.
Nyiramandwa Rachel , akaba ari umukecuru utuye mu karere ka Nyamagabe mu murenge wa Gasaka Akagari ka Ngiryi hafi na sitade ya Nyagisenyi , bitandukanye n’ibihe byabanje kuri ubu Perezida Paul Kagame akaba yarabanje gusura uy’umukecuru mbere y’uko abonana n’abaturage ba Nyamagabe.
Amateka y’uy’umukecuru Rachel Nyiramandwa n’umukuru w’igihugu Perezida Paul Kagame akaba ar’amateka yatangiye mu mwaka wa 2010 ubwo umukuru w’igihugu yari yagiye kwiyamamaza muri aka karere ka Nyamagabe , bahura bwa mbere.
Uy’umukecuru wasizwe iyeruyeru na Jenoside yakorewe abatutsi 1994 , ubwo umukuru w’igihugu yari yagiye kwiyamamaza mu karere ka Nyamagabe uy’umukecuru akaba yaraje kuzamuka akajya aho Perezida yari ari kuri podiyumu maze amusaba amata Perezida nawe atazuyaje akaba yarayise amugabira inka.
Kuva icyo gihe uko umukuru w’igihugu yasuraga aka karere ka Nyamagabe yajyaga no kureba uy’umukecuru Nyiramandwa kuri ubu usigaye witwa umukecuru wa Perezida Paul Kagame ndetse mu ruzinduko Perezida akomeje kugirira mu ntara y’amajyepfo akaba yongeye kumusura.
Ubwo Perezida yagera mu rugo rwa Nyiramandwa bikaba byari ibyishimo kuri we n’umukecuru , bakaba baragiranye ikiganiro cy’iganjemo ibisigo , indirimbo ndetse n’ibindi umukecuru Nyiramandwa yatuye umukuru w’igihugu Perezida Paul Kagame.
Nyiramandwa akaba yashimiye Perezida Paul Kagame uburyo ari umuyobozi mwiza , Nyiramandwa akaba yaragize ati ” kera iyo twumvaga ngo umutware araje yabaga ari umutware wo kudukubita ibiboko ariko wowe udukubita ibyatsi by’amata. nuko Perezida kwihangana biranga agaragaza ibyishimo aseka”.
Umukuru w’igihugu akaba yaherukaga gusura Nyiramandwa mu mwaka wa 2019 ubwo yaherukaga gusura akarere ka Nyamagabe , mbere y’uko icyorezo cya Covid-19 kigera mu Rwanda ibikorwa byose bigahagarikwa mu guhangana nacyo.
