Igisirikare cya leta zunze ubumwe za America , cyatangaje ko abasirikare bacyo batanu(5) bapfuye baguye mu mpanuka y’indege y’intambara yari mu bikorwa by’imyitozo hafi y’inyanja ya Mediterranean nyuma yuko iyi kajugujugu ikoze impanuka ikangwa muri iyi nyanja.
Ubuyobozi bw’igisirikare cya leta zunze ubumwe za America , akaba aribwo bwatangaje iby’urupfu rw’aba basirikare babwo , buvugako aba basirikare uko ari batanu (5) bose baburiye ubuzima muri iri sanganya , iyi kajugujugu yahuye naryo ubwo yari muri iy’imyitozo.
Iyi mpanuka y’indege y’intambara , ikaba yabaye mugihe leta zunze ubumwe za America zongereye ibikorwa byazo bya gisirikare mu karere k’iburasirazuba bwo hagati , mugihe intambara ya Israel n’umutwe wa Hamas ikomeje aho imaze ukwezi impande zombi zirasana.
Leta zunze ubumwe za America , zikaba zikomeje kongera ibikorwa byazo bya gisirikare muri aka karere aho yashyigikiye ibitero bya Israel ku mugaragaro ndetse iburira ko izatabara Israel mugihe haba hagaze ikindi gihugu cyakivanga muri iyi ntambara.
Leta zunze ubumwe za America , zikaba zarashyize amato abiri y’intambara mu nyanja ya Mediterranean mu rwego rwo kurinda igihugu cya Israel gikomeje kurimbura abaturage batuye muri Gaza aho ivugako irimo gukora ibikorwa byo kubuzako iyi ntambara yakwirwa mu karere kose.
Joe Biden , Perezida wa leta zunze ubumwe za America akaba yunamiye aba basirikare batanu (5) bapfiriye muri iyi mpanuka nyuma yuko indege bari barimo iguye muri Mediterranean ubundi avugako abasirikare ba America buri gihe bashyira ubuzima bwabo mukaga kubera igihugu cy’abo (leta zunze ubumwe za America).