Umukuru w’igihugu , Perezida Paul Kagame , yongeye gusangiza abakurikira imbuga nkoranyambaga ze by’umwihariko urubuga rwa X , ifoto yahuje urugwiro n’umwuzukuru we Amalia Agwiza Ndengeyingoma arimo kumuha icyo kunywa.
Ku mugoroba wo kuri uyu wa mbere , akaba aribwo Perezida Paul Kagame yashyize ku mbuga nkoranyambaga ze iyi foto imugaragaza arimo guha icyo kunywa umwuzukuru we Amalia Agwiza Ndengeyingoma ndetse bahuje urugwiro ubundi avugako wari umunsi udasanzwe.
Umukuru w’igihugu akaba ari umuntu ukunze gusangiza abakurikira imbuga nkoranyambaga ze ubuzima bwe n’abuzukuru be aribo Anaya Abe Ndengeyingoma na Amalia Agwiza Ndengeyingoma ndetse akaba aherutse kuvugako aba buzukuru be ko ari abafana b’ikipe ya Arsenal , ikipe Perezida akunda cyane.
Perezida Paul Kagame , mu bihe bitandukanye akaba yaragiye agaragaza amafoto yifashishije imbuga nkoranyambaga ze ari kumwe n’abuzukuru be ndetse agatangaza ko bagiranye ibihe byiza doreko amafoto ye n’abuzukuru be aba arimo ukumwenyura kwinshi hagati ye ndetse n’abuzukuru be.
Amalia Agwiza Ndengeyingoma na Anaya Abe Ndengeyingoma , akaba ari abana ba Ange Kagame (umukobwa w’umukuru w’igihugu) ndetse n’umugabo we Ndengeyingoma , bibarutse mu mwaka wa 2020 ndetse na 2022 , nyuma y’uko aba bombi bakoze ubukwe bagasezerana kubana akaramata.