Umukire wa mbere kw’isi akaba na nyiri ruganda rwa Tesla rukora ibyogajuro , byamaze kwemezwa ko bidasubirwaho yamaze kugura urubuga rwa Twitter kuri miliyari 44 z’amadorari ya America , nyuma y’igihe atangajeko agiye kugura ur’urubuga.
Elon Musk , bikaba byemejweko yamaze kugura urubuga rwa Twitter kuri uyu wa gatanu tariki 28 Ukwakira 2022 , nyuma y’igihe kinini hari ugukozanyaho hagati ye ndetse n’ubuyobozi bwa Twitter bumushinja gutuma ikigo cya Twitter gihomba.
Ubwo Musk yatangazako ashaka kugura urubuga rwa Twitter agakoramo amavugurura bitewe nuko atishimiraga imikorere yarwo , ubuyobozi bw’ikigo cya Twitter bukaba bwaramaganiye kure icyifuzo cy’uy’umukire wa mbere kw’isi buvugako ibyo yifuza bitashoboka.
Nyuma bikaba byaraje gutangazwako Elon Musk ndetse n’ubuyobozi bw’ikigo cya Twitter bumvikanye ku kiguzi kingana n’amafaranga angana na miliyari 44 z’amadorari kugirango uy’umukire wa mbere kw’isi yegukane ur’urubuga rwa Twitter.
Nyuma y’uko ay’amakuru agiye hanza Elon Musk akaba yaraje gutangazako ibyo kugura urubuga rwa Twitter yabihagaritse ko ntagahunda igifite yo kugura ur’urubuga rwa Twitter ndetse ubuyobozi bwa Twitter bukaba bwarayise bumujyana munkiko.
Ubuyobozi bw’ikigo cya Twitter bukaba bwarashinjije Elon Musk gutuma ikigo cya Twitter gihomba kubera gutanga igiciro cy’urubuga rwa Twitter bikarangira atakishyuye , bigatuma kw’isoko ry’imari n’imigabane ikigo cya Twitter gitakaza agaciro.
Nyuma y’ibibazo byose Elon Musk yagiranye n’ubuyobozi bwa Twitter , kuri ubu ikaba yamaze kuba umutungo we nyuma yo kwishyura amafaranga asaga miliyari 44 z’amadorari ndetse amakuru akavugako nyuma yo kuyigura bamwe mu bayobozi bayo bamaze kwirukanwa barimo na Parag Agrawal wari umuyobozi mukuru wa Twitter.