Umuhanzi Naseeb Abdul Juma uzwi neza nka Diamond Platnumz wo muri Tanzaniya, yagaragarije abakunzi be imodoka nsyha yaguze.
Mu mashusho y’amasegonda 17 yashyize ku rubuga rwe rwa Instagram, uyu muhanzi, yagaragaje ko imodoka yibitseho ari “Rolls Royce Cullinan 2021”.
Yabwiye abamukurikira barenga muliyoni 12 ati “Uyu munsi nakiriye ‘Rolls Royce Cullinan 2021’ yanjye… Mbega umunsi uhiriwe!”
Iyi kandi siyo modoka ihenze yonyine atunze kuko mu mashusho yasohoye yari akikijwe n’izindi modoka harimo “Cadillac Escalade”, V8, Prado n’izindi..
Iyi modoka Rolls Royce ifite agaciro kangana na $311,900 (angana na 311,120,250Rwf), ibi bigaragaza neza ko uyu muhanzi w’imyaka 31 ashobora kuba ariwe munyamuziki ukize kurusha abandi muri Afurika y’i burasirazuba.
Diamondi kandi ni umwe mu bahanzi bakunzwe cyane muri Afurika muri iyi myaka, indirimbo ze ziri mu zarebwe cyane ku rubuga rwa YouTube ndetse yagiye anashora imari mu ruganda rw’imyidagaduro harimo radiyo na televiziyo.