Minisiteri y’ububanyi n’amahanga mu gihugu cya Mali kuri uyu wa kabiri yahamagaje ambasaderi uhagarariye Ubufaransa muri Mali kubera amagambo ‘atari meza’ yavuzwe na perezida w’ubufaransa Emmanuel Macron.
Iki nicyo gikorwa giheruka hagati y’umubano utifashe neza kubera amakuru avuga ko Leta ya Mali igiye kuzana abasirikae b’abacancuro bavuye mu burusiya, ni mu gihe Ubufaransa nabwo bwateguraga gahunda yo kurwanya iterabwoba muri aka karere k’ibihugu.Mali na France bisanzwe ari abafatanyabikorwa bya hafi mu bya gisirikare.
Minisitiri w’intebe wa Mali yashinje u Bufaransa ko bwatereranye igihugu cye ubwo barwanyaga imitwe y’iterabwoba igendera ku matwara ya Isilamu. Macron ibyo yabihakanye yivuye inyuma ahubwo avuga ko abayobozi bo mu gihugu cya Mali badakwiye kureberera amatora aje yarabanjirijwe na ‘Coup D’eta’ ebyiri zakurikiranye mu mwaka umwe.
Mu gusubiza, Minisiteri y’ububanyi n’amahanga yatangaje ko yahamagaje Ambasaderi w’ubufaransa muri icyo gihugu kugira atangarizwe ko Mali itishimiye amagambo ya Macron.
Mu nama, Minisitiri w’ububanyi n’amahanga Abdoulaye Diop mu itangazo yasohoye, yarwanyije cyane amagambo ya Macron, amagambo Diop abona ko azangiriza uburyo umubano w’ibihugu byombi umeze. Biravigwa ko Minisitiri Diop yahamagaje impande zombi kugira higwe uburyo umutekano wo mu karere ukazwa cyane.
Mu bice bya Sahel biherereye mu gice cho mu majyepfo y’ubutayu bwa Sahara harangwa numutekano muke wakomeje kugabanuka cyane mu myaka ya vuba nubwo hari ingabo za UN, n’izindi nk’izo mu karere ndetse n’ingabo zituruka i burengerazuba bw’Isi.
Ikinyamakuru Reuters kivuga ko igice k’igisirikare cya Mali kitwa Junta kiri hafi kuzana abasirikare b’abacancuro baturutse muri Russian Wagner Group. U bufaransa nabwo bwatangije igikorwa cyo kurwanya uyu mwanzuro.