Abakanyujijeho muri FC Barcelone na Real Madrid bongeye guhurira mu mukino wa gicuti wiswe Legends El Classico wabereye muri Isiraheri.
Uyu ni umukino yahuruje benshi bifuzaga kongera kubona abakinnyi bakunze bakina mu kibuga, habonetsemo ibitego 3 bya Real Madrid kuri 2 bya FC Barcelona.
Amakipe yombi yifashishije abakinnyi bayo bamenyekanye cyane, aho ikipe ya FC Barcelona yari ifite abarimo: Angoy; Juan Carlos, Dehu, Goikoetxea; Deco, Mendieta, Arpon; Rivaldo, Saviola, Ronaldinho.
Ku rundi ruhande Real Madrid yari fite ibyamamare harimo Figo, Roberto Carlos, Alfonso Perez nabandi..
Barcelona yatangiye iyoboye umukino, igice cya mbere Ronaldinho yahagurukije imbaga yereka abafana be ko agishoboye, ndetse aza no gutsinda igitego kuri penariti.
Real Madrid nayo yarushije FC Barcelona mu mashoti maremare, harimo nk’ishoti ryavuye kuri Ruben de la Red ryakirwa na mugenzi we Amavisca wahise iritera mu izamu rifata igiti k’izamu, igice cya mbere kirangira ari 1-0.
Umukino waryoshye Real Madrid imaze kwishyura igitego, ndetse yongeraho ikindi, biba 2-1 cya Barelona.
Ku munota wa 60, Roberto Roberto Carlos yasimbuwe na Luis Figo, ku munota wa 70, FC Barcelona yinjije igitego cya 2 cyatsinzwe na Jofre Mateu utari wigaragaje cyane muri uyu mukino.
Ntibyarangiriye aho kuko Ruben de la Red wa Real Madrid yahise atsinda igitego, Real Madrid iba igize ibitego 3 – 2.
Umukino warangiye ari ibitego 3 bya Real Madrid kuri 2 bya FC Barcelona.
Uyu mukino watambutse imbonankubone kuri Barca TV.
