Mu gihugu cya Repabulika iharanira demokarasi ya Congo , Perezida Felix Tshisekedi uherutse kwegukana mpanda ye ya kabiri mu matora y’umukuru w’igihugu yabaye tariki 20 Ukuboza 2023 , yarahiriye mpanda ye ya kabiri yo kuyobora iki gihugu cya Congo.
Kuri uyu wa gatandatu , tariki 20 Mutarama 2024 , akaba aribwo Perezida Felix Tshisekedi Tshilombo yarahiriye imbere y’abanye-congo ibihumbi 60 bari bari muri Sitade ya stade des martyrs iherereye mu mujyi mukuru w’iki gihugu , Kinshasa.
Uyu muhango wo kurahira mpanda ya kabiri ayoboye igihugu cya Congo kwa Perezida Felix Tshisekedi Thsilombo , akaba ari umuhango wari witabiriwe n’abakuru n’ibihugu bya Africa barimo na Perezida w’igihugu cy’u Burundi Evariste Ndayishimiye.
Perezida Felix Tshisekedi Tshilombo , akaba yarahiriye kongera kuyobora igihugu cya Repabulika iharanira demokarasi ya Congo nyuma y’uko yahigitse mu matora y’umukuru w’igihugu abarimo Moise Katumbi ndetse na Martin Fayuru bari bahanganye muri aya matora yabaye 2023.
Felix Tshisekedi akaba muri iri rahira rye yijeje abanyecongo umutekano wabo ndetse n’ibyabo , avugako agiye no kuba umugaragu wabo , Perezida Felix Tshisekedi akaba agiye kongera kuyobora igihugu cya Congo mugihe kingana nimyaka itanu , aho nyuma y’iyi mpanda atazongera kwiyamamariza kuyobora iki gihugu cya Congo.