Mu ruzinduko rwa kazi rw’iminsi 4 , umukuru w’igihugu Perezida Paul Kagame yatangiye mu ntara y’amajyepfo no mu ntara y’uburengerazuba , Perezida Paul Kagame yasezeranyije abaturage ba karere ka Ruhango ko umwenda abarimo ahuzirikana.
Muri uru ruzinduko umukuru w’igihugu Perezida Paul Kagame yatangiye , akaba yageze mu karere ka Ruhango kw’isaha ya saa tanu n’igice aho yasanze abaturage barenga ibihumbi 50 , bamutegereranyije ubwuzu bwinshi , nyuma y’imyaka 2 Covid-19 yarahagaritse ibintu byose mu gihugu.
Mw’ijambo umukuru w’igihugu yagejeje ku baturage ba Ruhango akaba yababwiyeko ikibazo cy’amashuri , amazi ndetse n’imihanda ya kaburimbo bamugejejeho ari ikibazo azirikana kandi ko ari ideni abarimo atashoboye kwishyura uko ari ryose.
Perezida Paul Kagame muri uru ruzinduko akaba yagarutse ku kibazo cy’abamotari ndetse avugako nawe ubwe agiye gushyiramo agatege akakikurikiranira , ni mugihe minisiteri w’ibikorwa remezo we yijeje abamotari ko ibibazo byabo bigiye gukemuka mugihe kitarenze amezi 2.
Umukuru w’igihugu akaba yashimiye abanyarwanda muri rusange uburyo bitwaye mu guhangana n’icyorezo cya Covid-19 ndetse anashimira uburyo bitabiriye kwikingiza urukingo rwa Covid-19 , mugihe mu mahanga ho bigarangambije bamangana kwikingiza uru rukingo rwa Covid-19.
Ku rukingo rwa Covid-19 , umukuru w’igihugu akaba yavuzeko ko we yikingije kandi ko ntacyo yigeze aba , yagize ati “ntarikingije urukingo rwa Covid-19 , ubwo sakindi izaba ibyara ikindi” umukuru w’igihugu akaba yasoje uru ruzinduko yakira ibibazo by’abaturage ndetse atanga n’umurongo w’uburyo bigomba gukemurwamo.
