Umugabo wo muri Esipanye yakatiwe igifungo cy’imyaka 15 nyuma yo kwica nyina no kurya ibisigazwa by’umubiri we.
Alberto Sánchez Gómez w’imyaka 28 yatawe muri yombi muri 2019 nyuma yuko abapolisi basanze ibice by’umubiri bikikije urugo rwa nyina – bimwe biri mu masashe ya pulasitiki.
Urukiko rwanze ingingo za Sánchez zivuga ko yari yafashwe n’ibibazo byo mu mutwe igihe yicaga nyina.
Ubu azafungwa imyaka 15 kubera icyaha cy’ubwicanyi yongereho nandi mezi atanu yo gutesha agaciro umurambo nyina.
Yategetswe kandi kwishyura umuvandimwe we amayero 60.000 (angana na 60,000,000 Rwf).
Polisi yageze mu rugo rwe ruherereye mu burasirazuba bw’umujyi wa Madrid muri Gashyantare 2019 nyuma yuko inshuti ye igaragaje impungenge z’imibereho ya María Soledad Gómez, wari mu kigero cy’imyaka 60.
Mu iburanisha, urukiko rwumvise ko Sánchez, icyo gihe wari ufite imyaka 26, yanize nyina mu gihe barimo batongana.
Yamukuyeho ibice by’umubiri we abirya mu byumweru bibiri byakurikiyeho, ibindi abigaburira imbwa ye.
Ibitangazamakuru byo muri Espagne bivuga ko yari asanzwe afitanye ibibazo na polisi kubera uburyo yahohoteraga nyina, kandi igihe yafatwaga, yari yarenze ku itegeko yari yarashiriweho ryo kutegera aho nyina aherereye.