Mu matora ya kamparampaka yari amaze iminsi ine abera mu gihugu cya Ukraine ariko mu ntara 4 zigaruriwe n’uburusiya zingana 1/5 cy’ubutaka bwa Ukraine arizo Kherson,Luhansk, Donetsk na Zaporizhzhia abaturage batoye EGO (99%) basabako zakomekwa k’uburusiya.
Abayobozi bashyizweho n’igihugu cy’uburusiya muri iz’intara bwigaruriye bakaba baratangajeko amatora y’abatoye , 99% by’abatuye muri iz’intara uburusiya bwigaruriye batoye EGO basabako zakomekwa k’uburusiya zikava kuri Ukraine.
Nyuma yaya matora ya kamparamparaka rero iz’intara zikaba zigiye guhita ziba intara z’igihugu cy’uburusiya ndetse amategeko agiye kuzajya agenga iz’intara akaba azajya atangwa na Perezida Vladimir Putin kuko nyuma y’amatora ya kamparamparaka zayise ziba ubutaka bw’uburusiya.
Ay’amatora akaba ari amatora yamaganywe na Perezida wa Ukraine Volodymry Zelenskyy ndetse n’ibihugu byo mu burengerazuba bw’isi biyobowe na leta zunze ubumwe za America , bavugako ari amatora yakozwe mu buriganya kandi ko ari amatora ibi bihugu bitazigera byemera.
Mw’ijambo rya Perezida wa Ukraine Volodymry Zelenskyy agaruka kuri ay’amatora , akaba yavuzeko kuba ntacyakozwe ubwo Perezida Vladimir Putin yanyagaga ubutaka bw’igihugu cye Ukraine izuba riva ari akumiro muri iki kinyejana tugezemo kandi ko biteye isoni.
Abakurikirana iby’intambara ya Ukraine n’uburusiya imaze amezi 7 , nyuma yaya matora bakaba baburiyeko aribwo intambara igiye gutangira kandi ko impungenge zuko hakoreshwa intwaro kirimbuzi kuri ubu ziyongereye ku rwego rwo hejuru ndetse ko bitakiri amagambo ku kuba iz’intwaro zakoreshwa.
Uburusiya akaba ari cyo gihugu gifite intwaro kirimbuzi kurusha ibindi bihugu byose byo kw’isi aho ifite intwaro kirimbuzi zibarirwa mu bihumbi 6 utabariyemo igisasu kirimbuzi kiswe satani 2 kirimbuzi umugabane wose mu masegonda make.