Muri Uganda , inteko nshingamategeko yashatse guhagarika ibitaramo bimenyerewe bizwi nka Nyege Nyege ngo kuko bihabanye n’umuco w’iki gihugu kandi bikaba bikurura ubusambanyi n’ubutinganyi mu bitabiriye ibi bitaramo bya Nyege Nyege festival.
ibi bitaramo inteko nshingamategeko ya Uganda yari yagerageje guhagarika bikanga , bikaba biteganyijwe kubera mu mujyi wa Jinja muri Uganda hagati ya tariki 15 na 18 z’ukwezi kwa Nzeri uy’umwaka ndetse imyiteguro yabyo ikaba ikomeje , nyuma yo gukomorerwa.
Nyege Nyege , akaba ari ibitaramo muri Uganda bisanzwe byitabirwa ku rwego rwo hejuru kuko akenshi usanga ari ibitaramo byinganjemo ba mukerarugendo b’abanya-mahanga benshi ndetse kuri iyi nshuro abagera ku bihumbi 8,000 bakaba bari bamaze kugura amatike yabyo.
Nyuma y’uko inteko nshingamategeko ya Uganda ihagaritse ibi bitaramo , minisitiri w’ubukerarugendo muri iki gihugu cya Uganda yavuzeko guhagarika ibi bitaramo bizagira ingaruka mbi ku bukungu bw’igihugu cya Uganda n’ubundi Covid-19 yashegeshe , asabako ubuyobozi bwa kwisubiraho.
Nyuma y’uko rero inteko nshingamategeko ya Uganda ihagaritse ibi bitaramo bya Nyege Nyege festival , minisitiri w’ubukerarugendo agatakamba ibi bitaramo byemejweko bizakomeza bikaba ariko bikazaba ku mabwiriza akakaye , nkuko byatangajwe na goverinoma y’igihugu cya Uganda.
