Umukinnyi Cristiano Ronaldo , ikipe ya Manchester United ya mukuye ku rutonde rw’abakinnyi bazahura n’ikipe ya Chelsea kuri uyu wa gatandatu , nyuma yo kugaragaza imyitwarire mibi ku mukino ikipe ya Manchester United yahuragamo n’ikipe ya Tottenham.
Kuwa gatatu tariki 19 Ukwakira 2022 , ubwo Manchester United yahuraga n’ikipe ya Tottenham muri shampiyona ya Primier League , Cristiano kuri uyu mukino nyuma yo kwishyushya yitegura gusimbura ntaze gushyirwa mu kibuga , yaje gusohoka Old Trafford umukino utarangiye.
Nyuma y’uko umukino urangiye umutoza Erik Ten Hag akabazwa kuri Cristiano wasohotse ku kibuga umukino utarangiye , umutoza akaba yaravuzeko ikibazo cya Cristiano atakivugaho ako kanya ahubwo ko ari ikibazo azakemura bukeye bwaho , ari kwishimira itsinzi y’ikipe ye.
Ku mugoroba wo kuri uyu wa kane , ikipe ya Manchester United akaba aribwo yasohoye itangazo rijyenewe abafana ba Manchester United ibamenyeshako uy’umukinnyi Cristiano Ronaldo atazaba ari kumwe n’ikipe iri kwitegura gukina umukino n’ikipe ya Chelsea muri shampiyona.
Ronaldo abinyujije kurukutarwe rwa Instagram , akaba yiseguye ku bafana ba Manchester United kubyo yakoze bitari bikwiye ndetse avugako yiteguye gukomeza imyitozo ye ku kibuga cya Carrington aho Manchester United ikorera imyitozo , avugako azakomeza gushyigukira ikipe ye ndetse agatanga buri kimwe mu gihe yahahwe umwanya akajya mu kibuga.
Nubwo ariko umukinnyi Cristiano n’umutoza Erik Ten Hag bitagenze neza kuri uy’umukino wa Manchester United na Tottenham , ikipe ya Manchester United ikaba yaritwaye neza igatsinda ikipe ya Tottenham ibitego (2-0) ndetse inayirusha gukina umukino kuva ku munota wa mbere w’umukino kugeza ku munota wa nyuma w’umukino.