Nyuma y’igihe kinini ikipe y’igihugu (Amavubi) yongeye kubona itsinzi imbere y’igihugu cya Africa y’epfo mu mikino yo gushaka itike y’igikombe cy’isi kizaba mu mwaka wa 2026 , nyuma y’uko ishoboye kubona itsinzi y’ibitego (2-0) imbere ya Africa y’epfo.
Ku munsi wejo hashize , kuwa kabiri , tariki 21 Ugushyingo 2023 , kuri Sitade mpuzamahanga ya Huye akaba aribwo ikipe y’igihugu (Amavubi) yari yakiriye ikipe y’igihugu ya Africa y’epfo (Bafana Bafana) mu mukino wo gushaka itike y’igikombe cy’isi cya 2026.
Mu mukino wa kabiri u Rwanda rwari rwakiriye muri iyi mikino yo gushaka itike y’igikombe cy’isi cya 2026 , u Rwanda rukaba rwaraje kwisasira ikipe y’igihugu ya Africa y’epfo ruyitsinda ibitego (2-0) byaje kuboneka mu gice cya mbere cy’umukino.
Umukinnyi Mugisha Gilbert n’umukinnyi Nshuti Innocent bose bakinira ikipe ya APR FC ikina muri shampiyona y’u Rwanda , akaba aribo baje kubona (gutsinda) ibitego byose byabonetse muri uyu mukino waje kurangira ari ibitego (2-0).
U Rwanda kandi rukaba rwari rwaje kubasha kunganya umukino warwo wa mbere n’ikipe y’igihugu ya Zimbabwe aho umukino warangiye ibihugu byombi binganya (0-0) ndetse itsinzi y’u Rwanda imbere ya Africa y’epfo ikaba yararufashije kuyobora itsinda ruhereyemo rya gatatu n’amanota ane (4pts).
Ikipe y’igihugu (Amavubi) , akaba ariyo ya mbere n’amanota ane (4pts) , Africa y’epfo ikaba iya kabiri n’amanota atatu (3pts) , Nigeria ikaba iya gatatu n’amanota abiri (2pts) , hakaza igihugu cya Lesotho , Zimbabwe igakurikira ndetse n’igihugu cya Benin.
