Ikipe y’igihugu y’umupira w’amaguru , Amavubi , yongeye guha ibyishimo Abanyarwanda n’abakunzi b’umupira w’amaguru muri rusange , nyuma y’uko abasore b’u Rwanda batsinze igihugu cya Madagascar ibitego (2-0) mu mukino wa ginshuti wari wahuje ibihugu byombi.
Ikipe y’igihugu Amavubi , ikaba imaze igihe yitwaraneza nyuma y’uko umutoza w’umudage , Frank Torsten Spittler , atangiye kuyitoza mu mikino yo gushaka itike y’igikombe cy’isi cya 2026 ndetse u Rwanda akaba arirwo ruyoboye itsinda ruherereyemo n’amanota ane (4pts).
Muri iki cyumweru dusoje ikipe y’igihugu , Amavubi , ikaba yarabashije gukinamo imikino ibiri ya ginshuti , umukino wa mbere u Rwanda rukaba rwarabashije kuganya (0-0) muri uyu mukino rwahuyemo n’igihugu cya.
Mu mukino wa kabiri , u Rwanda rwari rwahuyemo n’igihugu cya Madagascar cyari no kuri sitade yacyo imbere yabafana bacyo , u Rwanda rukaba rwaraje kwitwara neza rukabasha kwegukana itsinzi rutsinze ibitego (2-0) byatsinzwe nk’umukinnyi Mugisha Gilbert ndetse na Bizimana Djihad.
Umutoza Frank Torsten Spittler ukomoka mu gihugu cy’ubudage kuri ubu akaba ari umutoza uri gukomerwa amashyi n’abanyarwanda benshi nyuma y’uko amaze gutoza imikino ine y’ikipe y’igihugu amavubi akabasha gutsindamo imikino ibiri , akanganya indi ibiri ndetse kuva yatangira gutoza u Rwanda hakaba ntakipe irabasha kwinjiza igitego mwizamu ry’u Rwanda.
