Ikipe ya Birmingham City ikina mu kiciro cya kabiri mu gihugu cy’ubwongereza yatangajeko yatandukanye n’umutoza Wayne Rooney warumaze kuyitoza imikino 15 gusa akabasha gutsindamo imikino 2 yo nyine , byatumye iy’ikipe ijya kumwanya mubi muri shampiyona.
Ikipe ya Birmingham City mbere y’uko ubuyobozi bw’iyi kipe buha akazi umutoza Wayne Rooney , iy’ikipe ikaba yari kumwanya wa gatanu muri shampiyona y’ikiciro cya kabiri mu bwongereza ubundi bakaza gufata umwanzuro wo gutandukana n’umutoza wayitozaga.
Nyuma yo gutandukana n’umutoza wayitozaga , ubuyobozi bwa Birmingham City bukaba bwarafashe umwanzuro bagaha akazi umutoza Wayne Rooney nyuma y’uko yaramaze kwirukanwa n’ikipe yatozaga muri leta zunze ubumwe za America.
Wayne Rooney nyuma yo gufata ikipe ya Birmingham City iri kumwanya wa gatanu muri shampiyona akaba yarabashije gutsinda imikino 2 muri 15 yatoje iy’ikipe ya Birmingham City ndetse nyuma yo kuyifata iri kumwanya wa gatanu muri shampiyona akaba yirukanywe ayisize kumwanya wa 20 wa shampiyona.
Ikipe ya Birmingham City kuri ubu ikaba irimo kurwana no kutamanuka mu kiciro cya gatatu , mugihe mbere y’uko Wayne Rooney ayifata yari ikipe iri mu makipe arwanira itike yo kuzamuka mu kiciro cya mbere cya shampiyona y’ubwongereza , Primier League.
Ubuyobozi bwa Birmingham City bukaba bwavuzeko , igihe cy’umutoza Wayne Rooney mw’ikipe ya Birmingham City kitagenze nkuko byari byitezwe , hafatwa umwanzuro wo gukomeza mu kindi cyerekezo gitandukanye nicyo barimo.