Igihugu cya Senegal ku nshuro yacyo ya mbere cyongeye kuyobora umugabane wa Africa mu mupira w’amaguru mu myaka myinshi cyari kimaze kitavugwa , nyuma y’uko amakipe yose y’igihugu yegukanye ibikombe byose bya Africa biheruka gukinirwa kuri uy’umugabane.
Senegal ikaba yabigezeho muri ir’ijoro ryo kuri uyu gatandatu nyuma y’uko ikipe y’abana ya Senegal itarengeje imyaka 20 itsinze irusha igihugu cya Gambia ku mukino wa nyuma w’igukombe cya AFCONU20 , ibitego (2-0) ubundi Senegal ikegukana ik’igikombe ku nshuro yayo ya mbere.
Ni mugihe hari hashize iminsi igera kuri 35 gusa nabwo Senegal yegukanye igikombe cya CHAN itsinze igihugu cya Algeria , penaliti (5-4) ubundi ikegukana ik’igikombe ku nshuro yayo ya mbere , igikombe gikinwa n’abakinnyi bakina imbere mu bihugu byabo kuri uy’umugabane wa Africa gusa.
Mu mwaka wa 2022 mu kwezi kwa mbere nabwo Senegal y’abakinnyi bakuru ikaba yari yegukanye igikombe cya Africa (AFCON) itsinze igihugu cya Egypt penaliti (5-3) igahita yegukana ik’igikombe ku nshuro yayo ya mbere , igiheshejwe n’umukinnyi Sadio Mane.
Gutwara igikombe cya Africa kwa Senegal bikaba bisa nkaho byayise bifungurira imiryango yo gutwara ibindi bikombe kwandi makipe y’igihugu cya Senegal kuko ibikombe byose biheruka gukinirwa kuri uy’umugabane wa Africa byose byatashye muri Senegal.
Senegal ikaba iyoboye umugabane wa Africa mu mupira w’amaguru nyuma y’uko yegukanye ibikombe byose uko ari bitatu biheruka gukinirwa kuri uy’umugabane wa Africa harimo AFCON yatwaye 2022 , igikombe cya CHAN yatwaye uy’umwaka ndetse n’igikombe cya AFCONU20 yegukanye kuri uyu wa gatandatu itsinze igihugu cya Gambia.
