Ikipe ya Manchester United yo mu gihugu cy’ubwongereza ikomeje gushaka abakinnyi kw’isoko ryo kugura no kugurisha abakinnyi muri iy’impeshyi yitegura umwaka w’imikino wa 2023/24 , akaba ari muri urwo rwego iy’ikipe ikomeje no kwifuza umunyafrica, Andre Onana , ufatira ikipe ya Inter Milan.
Ikipe ya Manchester United ikaba ikomeje kwifuza umunyezamu w’ikipe ya Inter Milan , Andre Onana , aho iy’ikipe ya Manchester United ikomeje ibiganiro n’ikipe ya Inter Milan kugirango imugure nyuma y’uko itandukanye n’umuzamu wayo Devid De Gea.
ikipe ya Manchester United ikaba imaze igihe irimo gushaka uy’umunyafrica Andre Onana ufatira ikipe ya Inter Milan ishakako aza muri iy’ikipe akaba umunyezamu wayo wa mbere , nyuma yo gutandukana n’umunye-Esupanye , David De Gea.
Amakuru , akaba avugako ikipe ya Manchester United ndetse n’ikipe ya Inter Milan , bari kugera ku musozo w’ibiganiro bya nyuma kugirango bemeranywe amafaranga agomba gutangwa n’ikipe ya Manchester United kugirango yegukane uy’umukinnyi , Andre Onana.
Ikipe ya Manchester United bikaba biteganyijweko ishobora gutanga amafaranga asaga miliyoni 55 z’amapawundi kugirango ibashe kwegukana uy’umunyezamu , Andre Onana , ukomoka mu gihugu cya Cameroon , w’imyaka 27 y’amavuko.
Umutoza Erik Ten Hag w’ikipe ya Manchester United akaba yaragaragajeko yifuza uy’umunyezamu Andre Onana doreko bombi bari baranakoranye mw’ikipe ya Ajax Amsterdam yo mu Buholandi , mbere y’uko buri umwe ayisohokamo akerekeza ahandi.
Umutoza Erik Ten Hag ndetse na Andre Onana , bakaba barakoranye mw’ikipe ya Ajax Amsterdam , aho bafashije iy’ikipe ya Ajax Amsterdam kugera muri 1/2 cy’irushanwa rya UEFA champions league bagukurwamo n’ikipe ya Tottenham Hotspur ibatsinze ibitego (3-2).
Nyuma Andre Onana akaba yaraje guhanishwa umwaka umwe adakina umupira w’amaguru kubera gukoresha ibiyobyabwenge nyuma ibihano birangiye akerekeza mw’ikipe ya Inter Milan , ni mugihe umutoza Erik Ten Hag we yavuye muri iy’ikipe ya Ajax akerekeza mw’ikipe ya Manchester United.
Nyuma y’igihe gito rero aba bombi batandukanye bakaba bashobora kongera gukorana mw’ikipe ya Manchester United doreko amakuru avugako kuwa kabiri cyangwa kuwa gatatu w’iki cyumweru turimo , ikipe ya Manchester United izaba yamaze gusinyisha uy’umunyezamu.
Andre Onana , akaba azinjira mw’ikipe ya Manchester United aza asangamo umukinnyi wo hagati Mason Maunt iy’ikipe ya Manchester United yamaze kugura imukuye mw’ikipe ya Chelsea ndetse ikaba inakomeje kwifuza umwataka w’ikipe ya Atalanta , Rasmus Højlund.