Umukinnyi , Eden Hazard , wakiniye amakipe arimo ikipe ya Chelsea , Real Madrid ndetse n’igihugu cy’ububiligi , ku munsi wejo hashize kuwa kabiri tariki 10 Ukwakira 2023 , yatangajeko yahagaritse burundu gukina umupira w’amaguru nkuwabigize umwuga , ku myaka 32 gusa y’amavuko.
Eden Hazard , uhagaritse gukina umupira w’amaguru nkuwabigize umwuga ku myaka micye cyane , akaba yari umukinnyi wagiriye ibihe byiza mw’ikipe ya Chelsea doreko ari umukinnyi watwaranye ibikombe byinshi kandi bitandukanye n’iyi kipe ya Chelsea.
Eden Hazard , nyuma y’uko avuye mw’ikipe ya Chelsea akerekeza mw’ikipe ya Real Madrid , ibintu bikaba bitaramugendekeye nkuko yabyifuzaga cyangwa se uko yabishakaga kuko uyu mukinnyi muri iyi kipe ya Real Madrid , ubuzima bwe bwose muri iyi kipe bwaranzwe n’imvune.
Muri Real Madrid , Eden Hazard , akaba ari umwe mu bakinnyi b’iyi kipe ya Real Madrid baba barakinnye imikino wabarira ku ntoki , ni mugihe ariko uyu mukinnyi yavuye mw’ikipe ya Chelsea ariwe mukinnyi ngenderwaho muri iyi kipe ndetse akaba yaravuyemo atanzweho akayabo ka mafaranga.
Nyuma yo kugera muri Real Madrid rero ubuzima bwe bwose muri iyi kipe yo muri Esupanye bukaba bwararanzwe n’imvune , mu bihe byashize akaba aribwo yaje gutandukana n’iyi kipe gusa ntiyahita ashaka indi kipe yerekezamo ahubwo abanza gufata ikiruhuko ari kumwe n’umuryango we.
Mugihe yari mu kiruhuko n’umuryango we , Eden Hazard , akaba yaragiye yifuzwa na makipe menshi ariko by’umwihariko amakipe yo muri Saudi Arabia (Saudi pro league) ndetse na makipe yo muri Amerika (MSL) arimo nk’ikipe ya Inter Miami ikinamo umukinnyi Lionel Messi.
Gusa , Eden Hazard , akaba nta kipe nimwe yemereye ko yaherekezamo akajya kuyikinira ubundi nyuma y’igihe akaba aribwo yaje gutangaza ko yafashe icyemezo cyo guhagarika gukomereza gukina umupira w’amaguru nkuwabigize umwuga , nyuma y’igihe kinini ari kumwe n’umuryango we mu kiruhuko.
Eden Hazard , akaba asezeye gukina umupira w’amaguru nkuwabigize umwuga ku myaka micye cyane doreko afite imyaka 32 gusa y’amavuko ndetse bikavugwako y’aba yatewe no gusezera gukina umupira w’amaguru biturutse ku bihe bibi yagiriye mw’ikipe ya Real Madrid bikaba binashyize akadomo kuri kariyeriye yo gukina umupira w’amaguru nkuwabigize umwuga.