Ikipe ya Manchester United yo mu bwongereza , abakunzi ndetse n’abafana bayo bakomeje kwibaza ku kazoza k’iyi kipe bakakabura nyuma y’uko iyi kipe itsinzwe umukino wa gatanu wa shampiyona , mu mikino icumi (10) imaze gukinwa muri iyi shampiyona.
Mw’ijoro ryakeye , akaba aribwo ikipe ya Manchester United yongeye gutsindwa muri shampiyona ya Primier League itsindwa na mukeba wayo Manchester City , ku kibuga cya Old Trafford , iy’itsinze ibitego (3-0) byatsinzwe n’abakinnyi Haaland na Foden.
Hejuru y’ibibazo bibarizwa muri iyi kipe ya Manchester United , kuri ubu akaba noneho ari ikipe yabuze umusaruro burundu doreko ubusanzwe yigirira ibibazo byinshi ariko abatoza bagakanyakanya bakayibonera itsinzi gusa kuri iyi nshuro itsinzi nayo ikaba yanze.
Nyuma y’uko , umutoza Erik Ten Hag , ageze muri iyi kipe mu mwaka ushize wa 2022 mu mpeshyi akaba yarafashije iy’ikipe kwitwara neza ndetse anayihesha igikombe cya Carabao Cup , nyuma y’imyaka irindwi (7) itazi uko gutwara igikombe bisa.
Ubwo umwaka w’imikino wa 2023/24 , watangiraga ikipe ya Manchester United ikaba yaritwaye nabi bishoboka , ahanini biturutse ku bibazo bibarizwa muri iyi kipe bitangira ingano utavuga ngo urangize doreko Manchester United ariyo kipe utamenye ikirecyezo cy’ubuyobozi bwayo.
Kuva , uyu mwaka w’imikino wa 2023/24 watangira , ikipe ya Manchester United ikaba imaze gutsindwa imikino itanu yo muri shampiyona ya Primier League , iyi kipe kandi ikaba imaze no gutsindwa imikino ibiri mw’irushanwa rya UEFA Champions League irimo.
Abafana ba Manchester United utibagiwe n’abakunzi bayo kw’isi doreko ari ikipe ya mbere cyangwa iri mu ikipe eshatu za mbere zikunzwe ku kigero cyo hejuru n’abatuye kw’isi muri rusange , aba bafana rero bakaba bakomeje kwibaza ku kazoza k’iyi kipe ibintu byananiranyemo burundu , nyuma y’umutoza Sir Alex Fargson.