Umukinnyi Harry Maguire , wari kapiteni w’ikipe ya Manchester United abinyujije ku rubuga nkoranyambaga rwe rwa Twitter , yatangajeko nyuma yo kugirana ibiganiro n’umutoza Erik Ten Hag yamumenyeshejeko atakiri kapiteni w’ikipe ya Manchester United.
Harry Maguire ati ” Nyuma yo kuganira na Ten Hag uy’umunsi yamenyeshejeko yahinduye kapiteni abwira impamvu ze , ati nk’umuntu byambabaje gusa ntiteguye gukomeza gutanga ibyanjye byose mugihe cyose nzaba nambaye uy’umwenda (umwambaro w’ikipe ya Manchester United).
Akaba yakomeje avugako ashimira abafana b’ikipe ya Manchester United ku rukundo rudasanzwe bamweretse mugihe yari yambaye ik’igitambaro cya kapiteni , ubundi avugako mugihe cy’imyaka itatu n’igice yambaye ik’igitambaro cya kapiteni byari ibintu by’icyubahiro kidasanzwe kuyobora ikipe nka Manchester United.
Ndetse , avugako ari iby’agaciro kuba muri kariyeri ye yarambaye ik’igitambaro cya kapiteni wa Manchester United , ati n’ibintu by’icyubahiro mw’ikipe y’umupira w’amaguru , avugako yakoze buri kimwe yagomba gukora haba mu kibuga no hanze yacyo kugirango Manchester United igere ku musaruro.
Harry Maguire akaba yavuzeko azahora ashimira umutoza Ole Gunnar Solskjaer wamuhisemo bwa mbere akamuha inshingano zo kuba kapiteni w’ikipe ya Manchester United ndetse avugako yifuriza amahirwe mase ugiye guhabwa inshingano yari afite ndetse ko yiteguye no kumushyigikira.
Ubuyobozi bw’ikipe ya Manchester United bukaba bwatangajeko buri umwe mw’ikipe ashimira umusanzu w’umukinnyi Harry Maguire mugihe cy’imyaka itatu n’igice yabaye kapiteni w’ikipe ya Manchester United , ubundi butangazako umutoza azatangaza kapiteni mushya w’ikipe nyuma yo kubonana n’abakinnyi.
Umutoza Ten Hag akaba afashe umwanzuro wo kwaka igitambaro Maguire nyuma y’uko mu minsi ishize ubwo Manchester United yakinaga umukino wa ginshuti, akaza kubazwa kubijyanye no guhitamo kapiteni w’ikipe yavuzeko gutoranya kapiteni w’ikipe ari inshingano ze atajya yemerako abakinnyi batora kapiteni w’ikipe.
Harry Maguire , akaba akuwe kumwanya wo kuba kapiteni w’ikipe ya Manchester United nyuma y’uko uy’umukinnyi atakiri umukinnyi wifashishwa cyane n’umutoza Erik Ten Hag kuko inshuro nyinshi aba ari ku ntebe y’abasimbura , agakina mugihe abandi bakinnyi bahuye n’ibibazo byimvune.
Umutoza Erik Ten Hag kuva yagera mw’ikipe ya Manchester United akaba ari umutoza wagiye akora impinduka zitandukanye aho bamwe mu bafana b’iyi kipe bazishimira abandi bakazinenga bavugako ari umutoza w’umugome mugihe abandi bavugako ari mutoza ikipe ya Manchester United yari yarabuze ngo ayishyire ku murongo.