Umukinnyi w’umwongereza w’imyaka 20 y’amavuko , Jude Bellingham , akomeje kuririmbwa mw’ikipe ya Real Madrid nyuma y’uko ari umukinnyi ukomeje gukora ibyiswe nk’ibitangaza kuva yagundwa n’iyi kipe ya Real Madrid avuye mw’ikipe ya Borussia Dortmund.
Jude Bellingham , nyuma y’uko aguzwe n’ikipe ya Real Madrid akagundwa amafaranga arenga miliyoni 100 z’amayero kuri ubu akaba ari umukinnyi ufatiye runini iyi kipe yo muri shampiyona ya Esupanye , La Liga Santander , nyuma y’uko amaze kuyitsindira ibitego birenga 10.
Kuva ikipe ya Real Madrid yagura uyu mukinnyi w’umwongereza , Jude Bellingham , akaba ariwe uyoboye barutayizamu b’iyi kipe ya Real Madrid nyuma y’uko amaze kuyitsindira ibitego bigera kuri 12 ndetse agatanga n’imipira yavuyemo ibitego igera kuri 3.
Jude Bellingham , ukina hagati mu kibuga kuva yagera muri Real Madrid akaba ariwe mucunguzi w’iyi kipe doreko mugihe uyu mukinnyi ari mu kibuga isaha ni saha abonera igitego iyi kipe ya Real Madrid byatumye izina rye ririmbwa mu mujyi wa Madrid.
Kuri uyu wa gatandatu , akaba aribwo muri shampiyona ya Esupanye , La Liga Santander , hari habaye umukino wishiraniro uhuza ikipe ya Real Madrid ndetse na FC Barcelona uzwi nka EL Classico , umukino ufatwa nk’umukino wa mbere kw’isi ukunzwe kurusha iyindi mikino.
FC Barcelona ndetse na Real Madrid , akaba ari amakipe yahanganye kuva kera byanatumye usanga ari nayo makipe wakita amakipe y’ubukombe muri iyi shampiyona ya Esupanye La Liga Santander doreko aya makipe yombi afatwa nk’indererwamu y’iyi shampiyona.
Jude Bellingham , nanone kandi akaba yongeye kwigaragaza muri uyu mukino aho yabashije gufasha ikipe ye ya Real Madrid kwegukana amanota atatu y’uyu mukino ayitsindira ibitego bibiri byabonetse muri uyu mukino wa EL Classico byatumye Real Madrid birangira iwutsinze.
Uyu mukinnyi Jude Bellingham , nyuma y’uko ikipe ya FC Barcelona yari yabanje igitego , akaba yaje gutsindira igitego cya mbere ikipe ya Real Madrid ku munota wa 68′ w’umukino ndetse aza no gushyiramo igitego cya gashinguracumu ku munota wa nyuma w’umukino wa 92′.
Nyuma y’uyu mukino izina rye , Jude Bellingham , rikaba ryongeye kuririmbwa n’abafana b’ikipe ya Real Madrid muri Sitade ya FC Barcelona nyuma y’uko atumye Real Madrid yegukana amanota atatu yaherukaga gukura kuri iki kibuga cyera cyane.