Ikipe ya Chelsea yo mu bwongereza , yamaze kumvikana n’umutoza Mouricio Pochettino kugirango iyibere umutoza mushya nyuma y’uko yaramaze igihe ntakipe afite yo gutoza nyuma y’uko yirukanywe n’ikipe ya Paris Saint-Germain ashinjwa kudatanga umusaruro.
Ikipe ya Chelsea ikaba ihaye akazi umutoza Mouricio Pochettino nyuma y’uko muri ik’igihe ari ikipe iri kwitwara nabi ku rwego rwo hejuru muri shampiyona y’ubwongereza , Premier league , aho kuri ubu ari kumwanya wa 11 n’amanota 43pts.
Muri uy’umwaka w’imikino wa 2022/23 , ikipe ya Chelsea akaba ari ikipe itarigeze igaragaza umusaruro mu kibuga nyuma y’uko ari ikipe yashoye amafaranga menshi kw’isoko ry’abakinnyi aho ari ikipe yinjemo abakinnyi bagera kuri 16 bose bashya.
Muri uy’umwaka w’imikino kandi Chelsea akaba aribwo yatakaje umuherwe wayo Roman Abramovich kubera ibibazo bya Politike biturutse ku ntambara y’uburusiya na Ukraine ubundi igurishwa umunya-America Todd Boehly , wayifashe agahita ahindura ibintu byose uko byakabaye.
Nyuma y’uko , uy’umuherwe Todd Boehly ayifashe akaba yarayise ayindura imikorere y’iyi kipe ariko by’umwihariko ayita yirukana abantu bose yasanze muri iy’ikipe bakoranaga n’umuherwe Roman Abramovich , ubundi ibintu bisa nk’ibisubiye hasi muri iy’ikipe ya Chelsea.
Pochettino , akaba ahahwe akazi ko kuba umutoza wa Chelsea yitezweho kongera kugarura mu bihe byiza iy’ikipe yo mu mujyi wa London doreko mu mwaka w’imikino wa 2023/24 ari ikipe izajya ikina ibikombe byo mu gihugu imbere kuko muri uy’umwaka w’imikino nta gikombe nta kimwe izitabira cyohanze y’ubwongereza.
Mouricio Pochettino , akaba agiye gutoza ikipe ya Chelsea nyuma y’uko ari umutoza watoje ikipe ya Southampton yo mu bwongereza kuri ubu yamaze kumanuka mu kiciro cya kabiri , Championship , muri uy’umwaka w’imikino , agatoza ikipe ya Tottenham Hotspur ndetse n’ikipe ya Paris Saint-Germain yo mu bufaransa.