Umuhanzi Itahiwacu Bruce uzwi nka Bruce Melody nk’izina ry’ubuhanzi wari wagiye gutaramira mu gihugu cy’uburundi mu bitaramo bigera kuri 2 yari gukorera muri iki gihugu , uy’umuhanzi Bruce Melody akomeje kugaraguzwa agati muri iki gihugu.
Ku mugoroba wo kuwa gatatu , ubwo uy’umuhanzi Bruce Melody yageraga mu Burundi hayise hasohoka inkuru z’uko Police y’iki gihugu yamutaye muri yombi ashinjwa kuba yarambuye umukire wo muri iki gihugu ndetse unari mubategura ibitaramo bibera muri iki gihugu.
Nyuma y’igihe gito atawe muri yombi , Police y’iki gihugu cy’uburundi yatangajeko yarekuye Bruce Melody ndetse byemezwako agiye gukomeza ikiganiro n’itangazamakuru agaruka ku bitaramo bye yari agiye gukorera muri iki gihugu cy’uburundi.
Gusa , nyuma nabwo Minisiteri y’umutekano mu burundi ibinyujije kuri Twitter yatangajeko uy’umuhanzi agifungiye muri iki gihugu ndetse ko akurikiranweho icyaha cy’ubwambuzi bushukana , ndetse amakuru akavugako n’ibitaramo uy’umuhanzi yaragiye gukorera muri iki gihugu bishobora guhagarikwa.
Amakuru dukesha umunyamakuru Yago wajyanye n’uyu muhanzi muri iki gihugu cy’uburundi , Bruce Melody yishyuzwa n’umukire wo muri iki gihugu amafaranga y’amarundi miliyoni 2 ngo z’uko mu mwaka 2018 yateguye igitaramo agatumiramo Bruce melody ntakitabire.
Uy’umukire agasaba Bruce Melody ko yamwishyura ayo mafaranga , amakuru akavugako uy’umuhanzi yishyuye uy’umukire amafaranga ye ngo gusa umukire ntiyanyuzwe ahubwo avugako Bruce Melody agomba ku mwishyura na miliyoni 30 z’amarundi z’igihombo yagize.
Amakuru akavugako nubwo ari ibintu byagoye Bruce Melody yishyuye miliyoni 32 z’amarundi uy’umukire kungirango akomeze ibitaramo bye , nyuma yo kwishyura ayo mafaranga bakaba bamuretse ngo akomeze ibitaramo bye yaje gukora.
Gusa , Bruce Melody atararenga umutaru bongeye kumuta muri yombi ndetse bafatira na passport ye nabwo ashinjwa ubwambuzi ndetse noneho asabwa kwishyura miliyoni 60 z’amarundi kungirango ibibazo bikemuke ndetse minisiteri y’umutekano y’iki gihugu nayo itangazako uy’umuhanzi afungiye muri iki gihugu.
