Uyu mugoroba, umuraperi-kazi Nicki Minaj w’umunya-Trinidad ukorera umuziki we muri Amerika yatangaje impamvu yanze kwiteza urukingo rwa Covid-ndetse atangaza ko nawe yayanduye ubwo yarimo yitegura kuririmba mu kirori cya 2021 MTV Video Music Awards nacyo byarangiye agihagaritse.
Abinyujije ku rubuga rwe rwa Twitter, Nicki Minaj yatangaje ko yanduye Covid-19 ndetse ko atayikingije, ndetse ababazwa ko kuba atazashobora kubona umwana we mu minsi myishi kandi ariwe yamenyeye gusa. Ahamya ko atemera urukingo rwa Covid-19, ati “Nimwikingize! Drake amaze kumbwira ko yanduye Covid-19 kandi yarikingije..”.
Mu butumwa bw’inkurikirane kuri Twitter, Nicki yavuze ku mpamvu yatumye yikura mu bari kwitabira Met Gala 2021 ibirori bikomeye by’imideri byabaye iri joro, biba buri mwaka byitabirirwa n’ibyamamare bitandukanye byo kw’Isi, bikabera mu mujyi wa New York.
Abatumiwe muri Met Gala bagomba kuba barikingije icyorezo cya Covid-19, nubwo hari ibihuha ko bamwe mu batumirwa b’ingenzi bitabiriye kandi batari bafata urukingo rwa Covid-19.
Nicki Minaj avuga ko Atazikingiza gusa kubera gushaka kwitabira Met Gala, ahubwo aziteza urukingo rwa Covid-19 arangije ubushakashatsi bwe ari gukora, akomeza agira inama abandi kwirinda kandi bakambara udupfukamunwa neza.
Minaji mu butumwa bwe yatanze ingero z’impamvu atizera urukingo rwa Covid-19, ariko nubwo hari amakuru menshi avuga ko urukingo rutizewe, menya ko uburyo bwizewe bwo kwirinda no guhagarika icyorezo cya Covid-19 n’ingaruka zigiturukaho ari ukwakira urukingo rwa Covid-19, Irinde amakuru y’ibihuha.
