Umuhanzi Yvan Buravan warufite izina mu muziki nyarwanda ndetse na Africa , nyuma yo gufatwa n’uburwayi butazwi akajya kwivuriza mu gihugu cya Kenya bikanga akerekeza mu gihugu cy’ubuhinde kwivuriza yo , umuryango we wamaze kwemezako uy’umuhanzi atakiri mw’isi y’abazima.
Umuryango wa Yvan Buravan ukaba watangajeko uy’umuhanzi yapfuye mw’ijoro ryo kuwa kabiri rishyira kuri uyu wa gatatu , tariki 16-17 Kanama 2022 , aguye mu bitaro byo mu gihugu cy’ubuhinde aho yari yaragiye kwivuriza uburwayi bwa kanseri yari amaze igihe arwaye.
Yvan Buravan akaba yapfuye nyuma y’igihe kinini havungwa amakuru ye y’uko ameze nabi ndetse bamwe bakagenda bamusengera ku buryo n’umuhanzi The Ben uherutse gukorera igitaramo mu Rwanda yasabye abari bakitabireye ku mufasha bagasengera uy’umuhanzi , Buravan.
Inkuru y’urupfu rwa Buravan akaba ari inkuru yaciye abantu umugongo by’umwihariko ababarizwa mu ruganda rw’imyidagaduro mu Rwanda ndetse benshi bagiye bamwifuriza iruhuko ridashira nyuma y’ubutumwa bw’umuryango we bwamenyeshaga abanyarwanda n’isi yose muri rusange ko yamaze kwitaba Imana.
Yvan Buravan akaba yari umuhanzi waririmbaga ijyana R&B ndetse akaba yari umuhanzi ufite izina riremereye mu muziki w’u Rwanda ndetse utibagiwe na Africa , kuko yari umuhanzi wagiye wegukana ibihembo bikomeye bitewe n’umuziki akora harimo n’igihembo cya Prix Decouvertes yegukanye mu mwaka wa 2018 , igihembo gitangwa na Radio mpuzamahanga y’abafaransa RFI.
Yvan Buravan akaba yari umuhanzi wakoze indirimbo nyinshi zitandukanye zakunzwe n’abanyarwanda benshi harimo nk’indirimbo yitwa Garagaza yakoranye na papa we , kuri ubu imaze kurebwa n’abarenga miliyoni 2 ku rubuga rwe rwa YouTube , ndetse n’indirimbo Big time yaherukaga gusohora mbere y’uko ahura n’ikibazo cy’uburwayi bwe , byarangiye kinamuhitanye.
Ubutumwa bw’umuryango wa Yvan Buravan bumenyesha inkuru y’akababaro kuko uy’umuhanzi yamaze kwitaba Imana.
