Umuhanzi Naseeb Abdul Juma Issack wamamaye mu muziki nka Diamond Platnumz ukomoka muri Tanzania yagaragaje ibyishimo ndetse n’amarangamutima ye nyuma y’uko yakiriwe na Perezida Paul Kagame mu nzu y’imyidagaduro ya BK Arena nyuma y’uko yaramaze gutaramira abakunzi b’umuziki n’abanyarwanda muri rusange.
Kuri ik’icyumweru , tariki 13 Kanama 2023 , akaba aribwo umuhanzi diamond Platnumz yataramiye urubyiruko rwitabiriye Iserukiramuco rya Giants of Africa aho ariwe muhanzi watangije ibirori byiri serukiramuco rya Giants of Africa , ryatangijwe ku mugaragaro n’umukuru w’igihugu Perezida Paul Kagame.
Ubwo ik’igitaramo cyari kigezemo hagati umuhanzi diamond Platnumz arimo gutaramira abakunzi b’umuziki n’abanyarwanda muri rusange , umukuru w’igihugu Perezida Paul Kagame akaba yaje kugaragara mu kivunge cy’abantu bari muri BK Arena bakurikiye igitaramo cy’uyu muhanzi diamond Platnumz.
Diamond Platnumz akaba yaje kugeramo hagati mu gitaramo agahagarika kuririmba ubundi agashimira umukuru w’igihugu Perezida Paul Kagame n’amarangamutima menshi amushimira ku buryo yigomwe akaza kwitabira igitaramo cye , ubundi avugako amukunda ndetse agakunda n’igihugu cy’u Rwanda.
Umuhabzi diamond Platnumz nyuma yo gutaramira abakunzi b’umuziki n’abanyarwanda muri rusange ariko by’umwihariko akaba ari ibirori byatangizaga ku mugaragaro Iserukiramuco rya Giants of Africa rigiye kubera hano mu Rwanda , akaba yaje kwakirwa na Perezida Paul Kagame ubundi amushimira ku kuba yakoze igitaramo cyiza.
Kuri uyu wa mbere , tariki 14 kanama 2023 , umuhanzi diamond Platnumz yifashije amashusho y’umukuru w’igihugu Perezida Paul Kagame amwakira akaba yongeye ku mushimira cyane avugako amushimira ku miyoborere ye ishikamye ndetse avugako ashima n’uburyo yakiriwe mu gihugu cy’u Rwanda mu ruzinduko yari yahagiriye.